Béyjing hökümiti b d t kishilik hoquq emeldarining ziyaritini jeryanida öktichilerni nazaret qilishni kücheytti

Xitay hökümiti béyjingni ziyaret qiliwatqan b d t kishilik hoquq komisari lu'is arbor, béyjinggha kélishning aldi - keynide xitay saqchilar siyasi öktichilerni nazaret qilishni kücheytken.

Béritaniye axbarat agéntliqi b b s, saqchilarning meqsidi öktichilerning b d t kishilik hoquqi ali emeldari bilen körüshüp, xitay hökümitining " yüzini töküdighan ishlar" ni qilip qoyushidin saqlinish, dep tekitligen.

Xewerlerge qarighanda saqchilar lu'is arbor xanim chüshken méhmanxanining etrapini kontrol qiliwalghan. Roytérs axbarat agéntliqi, méhmanxana etrapidiki weziyetke qarighanda kishilerning b d t ali emeldarigha yéqinlishish mumkinchiliki az, dep körsetti.

B d t kishilik hoquq mesililiri boyiche ali emeldari, béyjinggha kélishtin sel ilgiri " shepqet buliqi," dep atlidighan bir kishilik hoquq teshkilatining béyjingdiki ishxanisi saqchilar teripidin axturulghan.

B d t kishilik hoquq ali emeldarining xitaydiki ziyariti 2 - séntebirgiche dawamlishidu. B d t kishilik hoquq komisari lu'is arbor seyshenbe küni béyjingda adem etkeschiliki " térrorluq jinayet," dep eyiplidi.

Lu'is arbor, ziyaret jeryanida béyjing hökümititini "xelq'ara puqralar hoquqi we siyasi hoquq ehdinamisi" ni tézrek testiqlashni telep qilidiken. B d t kishilik hoquq ali komisarliri yéqinqi 7 yilda xitayni 8 qétim ziyaret qilghan. (Erkin)