Xitay özining sudan siyasitini aqlap olimpikni darfur krizisigha baghlashning muwapiq emeslikini bildürdi


2008.03.10

Xitay hökümiti bu yil yazda béyjingda ötküzilidighan béyjing olimpikini darfur krizisigha baghlashqa urunuwatqan pa'aliyetchilerge qarshi, özining sudan siyasitini aqlap béyjing olimpikini darfur krizisigha baghlashning muwapiq emeslikini bildürdi.

Birleshme agéntliqining körsitishiche, xitayning darfurgha teyinligen alahide hoquqluq elchisi lyu güyjin hazir béyjing hökümitining darfur rayonidiki krizislarni hel qilshta zor tirishchanliq körsitiwatqanliqini bildürgen we " darfur mesilisini béyjing olimpikige baghlash mentiqighe uyghun emes" dégen.

U yene, béyjing da'irilirining sudan hökümiti bilen yéqin munasiwette bolushining we sudanning néfitlirini keng kölemde sétilishining hergizmu xata emeslikini bildürgen.

Birleshme agéntliqining otturigha qoyushiche, hazir xitay kommunistliri bu yil awghustta béyjingda ötküzilidighan olimpik obrazigha dagh tegküzüsh éhtimalliqi bar bolghan her qandaq bir mesilining tesirini azaytishqa bek jiddiy mu'amile qiliwatqan bolup, olimpiktin paydilinip xitayning sudan siyasitini özgertishke tirishchanliq körsitiwatqan teshkilatlarning bésimi tüpeyli xitay sudan mesiliside ilgiri körülüp baqmighan derijide diplomatik arilishish herikitini bashlighan iken.

Xitay hökümiti darfur rayonida basturush siyasiti élip bériwatqan sudan hökümiti bilen siyasi ittipaqdash bolghachqa hemde birleshken döletler teshkilati bixeterlik kéngishige da'im eza dölet bolush supiti bilen sudanni siyasi we diplomatiye jehettin qanat astigha élip kelgen bolghachqa, amérikiliq kishilik hoqoq pa'aliyetchisi miya férow 2008 - yilida béyjingda ötküzilidighan olimpik yighinini "qirghinchiliq olimpiki" dep atighan idi. (Jüme)‏

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.