Xitay démokratiye partiyisining qurghuchilirining biri qoyup bérildi


2007.09.15
Share on WhatsApp
Share on WhatsApp

Merkizi xong kongdiki kishilik hoquq we démokratiye uchur merkizining shenbe küni xewer qilishiche, béyjing hökümiti, xitay démokratiye partiyisining qurghuchiliridin béri bolghan we sekkiz yilgha yéqin bir waqittin béri türmide yétiwatqan maw chingshiyangni qoyup bergen.

Xewerde éytilishiche, maw chingshiyang jüme küni jéjiyang ölkisining xangju shehiridiki öyige qaytip kelgen.

Maw , 1999‏- yili dölet hakimiyitini aghdurushqa urun'ghan dégen jinayet bilen eyiblinip, sekkiz yilliq qamaq jazasigha höküm qilin'ghan idi. Kishilik hoquq we démokratiye uchur merkizining bildürüshiche, xitayda pa'aliyiti cheklen'gen xitay démokratiye partiyisining 23 ezasi hélimu türmide yatmaqta iken.

Béyjing hökümiti, xitay démokratiye partiyisini 1998‏- yili yeni mezkur partiyining qurulushidin uzun ötmey cheklep, partiyining nurghun ezalirini qolgha alghan idi.

Siyasiy mulahizichiler, maw chingshiyangning muddettin burun qoyup bérilgenlikini, béyjing hökümitining 2008‏- yilliq béyjing olimpik tenheriket yéghini harpisida, kishilik hoquq depsendichilikliri tüpeylidin, dunyada künséri nacharlishiwatqan obrazini yaxshilash üchün élip bériwatqan pa'aliyitining bir qisimi dep, körsetmekte.

Franisye agéntliqining xewer qilishiche, 57 yashtiki maw chingshyang türmidin qoyup bérilgendin kéyin bergen bayanatida, " eger mining türmide yatqanliqim, xitayda démokratiye we kishilik hoquq mesilisining ilgirilishige hesse qoshqan bolsa, türmide yatqinimdin héchqachan epsuslanmaymen," dégen. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.