Yang jyenli xitayning démokratiyilishish we erkinlikni tosushining mumkin emeslikini körsetti

Xitayda besh yilliq türme mudditi toshup amérikigha qaytip kelgendin kéyin, 22 ‏- awghust küni amérika dölet mejliside muxbirlarning so'allirigha jawab bergen doktor yang jyenlining éytishiche, xitay hazir kemkütsiz saqchi döliti bolup qalghan. Buninggha taqabil turush üchün, xelq ichide döletke baj tapshurghan ademning qandaq qanuni hoquqi barliqi we bu hoquqni qandaq ishlitishi lazimliqini chüshinip yétiwatqan adem barghanséri köpeymekte.

B b s agéntliqining bayan qilishiche, mehbuslar xitay türmiliride élip barghan 'döletke baj tapshurghuchilar inqilabi' hökümetni türmining shara'itini yaxshilashqa we qanunni ijra qilishqa mejburliyalighan.

Yang jyenli ependi amérikida turup qélish hoquqigha ige bolghan xitay puqrasi, amérika xarward uniwérsitétining tetqiqatchisi, u 2002 - yili xitaygha bérip ishchilar herikitini tekshürüwatqanda qolgha élinip, 'chet'el jasusi' dégen bednam bilen 5 yilliq qamaq jazasigha höküm qilin'ghan.

Uning amérika dölet mejliside muxbirlargha jakarlishiche, hazir xitayda ewj éliwatqan démokratiye we erkinlikni tosush mumkin emes. Xitay kommunist hökümiti hazir özining hoquqini saqlap qélish üchün zorawanliq qilghanséri uning hoquqi shunche zor riqabetke duch kelmekte. (Weli)