Тйәнәнмен вәқәсидики хитай демократчиси канадаға йетип кәлди


2006.04.12

1989‏- Йилидики 4‏-ийон тйәнәнмен вәқәсидики даңлиқ демократчиларниң бири болған лу дечең сәйшәнбә күни тайландтин канадаға йетип кәлди. Шундақла у өзиниң кейинки һаятини хитайдики демократийә ишлири үчүн көрәш қилишқа атайдиғанлиқини ейтти.

Америка бирләшмә агентлиқиниң хәвәр қилишичә, лу дечең ванковерға чүшкәндин кейин мухбирларға өзиниң бир мәдәнийәтлик җәмийәткә қайта кәлгәнликидин интайин мәмнун болғанлиқини ейтип, " әркинлик һавасини нәпәсләнгинимидин толиму хушалмән" деди.

46 яшлиқ лу дечең ху нәнлик болуп, у 89‏- йилидики оқуғучилар һәрикитидә икки нәпәр сәбдиши билән тйәнәнмендики мавзедоңниң сүритигә сия қутиси атқанлиқи билән қолған елинған һәмдә 16 йиллиқ қамақ җазасиға мәһкүм қилинған иди. У 1998‏- йили түрмидин қоюп берилгәндин кейин, өткән йили 11‏-айда тайландқа қечип чиққан. Лекин тайланд даирилири уни чеградин қанунсиз киргән дәп қолға алған.

Буниңдин хәвәрләнгән канада һөкүмити өткән йили баңкокқа хадим әвәтип, лу дечиңниң канадаға көчмән болуш ишлирини беҗиргән. Лу дечеңниң йәнә бир сәбдиши йү доңйүе техи бу йил 2‏-айда қоюп берилгән. Әмма у түрмидә еғир қийин-қистаққа учриғачқа нервиси бинормаллишип, әқлий тәпәккүри 4-5 яшлиқ балиларниңкидәк болуп қалған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.