Хитай дуня енергийисигә тәһдит салмақта


2007-03-09
Share

Нурғун дөләтләр хитайни дуня енергийисигә тәһдит салмақта дәп әйиблигән. Һиндистан вақит гезитиниң хәвиригә қариғанда, хитай һөкүмәт тәрәп өзиниң дуня енергийисигә тәһдит әмәсликини билдүрмәктә.

Хәвәрдин мәлум болушичә,хитайниң бу һәқтики инкаси һиндистан һөкүмити латин америка вә африқиниң енергийә байлиқиға игә болушта хитай билән мусабиқилишишни башлиған дәқиқиләрдә оттуриға чиққан.

Пәйшәнбә күни,хитай дөләтлик тәрәққият вә ислаһат комитетиниң башлиқи ма кәй "хитайни дуня енергийә аманлиқиға тәһдит салиду десә, бәк наһәқлиқ болиду" деди. Пәйшәнбә күни ма кәй хитайниң башқа җайлиридиму зор көләмлик нефит амбарлири қуруш пилани барлиқини ашкарилиған.

Маниң билдүрүшичә,хитай нефит истемалиниң 90 пирсәнти дөләт ичидики мәнбәлиридин келидиған болуп, хитай йәнә дуняниң башқа җайлириға нурғун миқдарда көмүр, полат вә алйомин қатарлиқларни експорт қилидикән.

Ваһаләнки, асия вақит гезитиниң 2007 ‏- йили 28 ‏- февралдики хәвригә қариғанда, хитайниң хам нефит импорт нисбити алдинқи йилидикидин 19.6 Пирсәнт ашқан болуп, бу мәлумат хитай дөләтлик тәрәққият вә ислаһат кометитиниң башлиқи ма кәйниң баянатиға зит икән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт