Xitay dunya énérgiyisige tehdit salmaqta


2007-03-09
Share

Nurghun döletler xitayni dunya énérgiyisige tehdit salmaqta dep eyibligen. Hindistan waqit gézitining xewirige qarighanda, xitay hökümet terep özining dunya énérgiyisige tehdit emeslikini bildürmekte.

Xewerdin melum bolushiche,xitayning bu heqtiki inkasi hindistan hökümiti latin amérika we afriqining énérgiye bayliqigha ige bolushta xitay bilen musabiqilishishni bashlighan deqiqilerde otturigha chiqqan.

Peyshenbe küni,xitay döletlik tereqqiyat we islahat komitétining bashliqi ma key "xitayni dunya énérgiye amanliqigha tehdit salidu dése, bek naheqliq bolidu" dédi. Peyshenbe küni ma key xitayning bashqa jayliridimu zor kölemlik néfit ambarliri qurush pilani barliqini ashkarilighan.

Maning bildürüshiche,xitay néfit istémalining 90 pirsenti dölet ichidiki menbeliridin kélidighan bolup, xitay yene dunyaning bashqa jaylirigha nurghun miqdarda kömür, polat we alyomin qatarliqlarni éksport qilidiken.

Wahalenki, asiya waqit gézitining 2007 ‏- yili 28 ‏- féwraldiki xewrige qarighanda, xitayning xam néfit import nisbiti aldinqi yilidikidin 19.6 Pirsent ashqan bolup, bu melumat xitay döletlik tereqqiyat we islahat kométitining bashliqi ma keyning bayanatigha zit iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet