Хитай әрәб әллири иттипақи билән һәмкарлиқини күчәйтмәктә

Хитай әрәп әллири иттипақиға әза 22 дөләт билән икки тәрәпниң сода алақисини күчәйтиш билән биргә, енергийә мәсилиси үстидә һәмкарлиқ елип бериш үчүн келишим һасил қилған.

Хитай мәтбуатлириниң пәйшәнбә күни ашкарилишичә, бейҗиңда өткүзүлгән хитай- әрәб һәмкарлиқ мунбири йиғининиң йепилиш мурасимида елан қилинған баянатта, 2010 ‏- йилиға қәдәр , икки тәрәп һәр йиллиқ сода хираҗитини 1 милярд америка доллириға йәткүзидикән.

Әрәб әллири иттипақи баш катиплиқиниң билдүрүшичә, бу қетимқи йиғин икки тәрәп сода һәмкарлиқини илгири сүрүштә көврүклүк рол ойнаштин сирт, йиғин вәкиллири келидиған 3 йил ичидә йәнә нефит мәсилилири бойичә биринчи қетимлиқ йиғин чақиришни қарар қилған.

Хитай орган мәтбуатидин мәлум болушичә, өткән йили бир йил ичидә хитайниң әрәб дөләтлиридин импорт қилған нефит записи , униң омуми нефит записиниң 40 % ини игиләйдикән.

Бу қетимқи йиғинға хамас рәһбәрлик қиливатқан пәләстин һөкүмити башлиқлириму қатнашқан болуп, исраилийә даирилири хитайға бу һәқтә наразилиқ билдүрди.

Көзәткүчиләр, хитай америкиниң әрәб иислам дунясидики тәсириниң нисбәтән аҗизлишиватқанлиқидин пайдилинип, өзлириниң мәзкүр әрәб дөләтлири билән енергийини өз ичигә алған һәр түрлүк һәмкарлиқлирини күчәйтиш арқилиқ оттура шәрқтики орнини көтүрүшкә интиливатиду, дийишмәктә.(Әқидә)