Xitay ereb elliri ittipaqi bilen hemkarliqini kücheytmekte

Xitay erep elliri ittipaqigha eza 22 dölet bilen ikki terepning soda alaqisini kücheytish bilen birge, énérgiye mesilisi üstide hemkarliq élip bérish üchün kélishim hasil qilghan.

Xitay metbu'atlirining peyshenbe küni ashkarilishiche, béyjingda ötküzülgen xitay- ereb hemkarliq munbiri yighinining yépilish murasimida élan qilin'ghan bayanatta, 2010 ‏- yiligha qeder , ikki terep her yilliq soda xirajitini 1 milyard amérika dollirigha yetküzidiken.

Ereb elliri ittipaqi bash katipliqining bildürüshiche, bu qétimqi yighin ikki terep soda hemkarliqini ilgiri sürüshte köwrüklük rol oynashtin sirt, yighin wekilliri kélidighan 3 yil ichide yene néfit mesililiri boyiche birinchi qétimliq yighin chaqirishni qarar qilghan.

Xitay organ metbu'atidin melum bolushiche, ötken yili bir yil ichide xitayning ereb döletliridin import qilghan néfit zapisi , uning omumi néfit zapisining 40 % ini igileydiken.

Bu qétimqi yighin'gha xamas rehberlik qiliwatqan pelestin hökümiti bashliqlirimu qatnashqan bolup, isra'iliye da'iriliri xitaygha bu heqte naraziliq bildürdi.

Közetküchiler, xitay amérikining ereb i'islam dunyasidiki tesirining nisbeten ajizlishiwatqanliqidin paydilinip, özlirining mezkür ereb döletliri bilen énérgiyini öz ichige alghan her türlük hemkarliqlirini kücheytish arqiliq ottura sherqtiki ornini kötürüshke intiliwatidu, diyishmekte.(Eqide)