17 ‏- Қурултай мәзгилидә хитайниң әрздарларни бастуруш һәрикити давамлашмақта


2007-10-18
Share

Хитай коммунистлар партийисиниң 17 ‏- қурултийи бүгүн 4 ‏- күнигә қәдәм қойди, бу арида һөкүмәтниң әрздарларға қаратқан бастуруш, қолға елиш, ахтуруш ишлири давамлашмақта.

Җилинлик аял әрздар ду миңруң икки күндин бери из - дерәксиз йоқап кәткән болуп, истансимиз мухбири пәйшәнбә күни униң сақчилар тәрипидин тутуп кетилгәнликини иниқлиди. Хәвәрләрдин мәлум болушичә , ду миңруң көп қетим һөкүмәткә әрз сунғанлиқтин , бу йил униңға икки йиллиқ әмгәк билән өзгәртиш һөкүм қилинған . Униң саламәтликиниң аҗизлиқи түпәйли һөкүмәт униң сиртта давалиниш тәлипигә рухсәт бәргән . Бирақ 17 ‏- қурултай ечилиш алдида у йәнә қолға елинған.

Истансимиз мухбири 15 ‏- өктәбир күни уни зиярәт қилған иди. Арқидинла у қайта түрмигә ташланған. Мәлуматларға қариғанда ,һөкүмәт униңға берилгән икки йиллиқ түрмә җазасини әслигә кәлтүридикән.

Буниңдин сирт, җеҗяң даирилири бейҗиң сақчилири билән һәмкарлишип, ли исимлик бир әрздарниң өйини рәсмийәтсиз ахтуруш елип барған. У истансимизниң зияритини қобул қилип, сақчиларниң униң турушлуқ йеригә бастуруп келип униң компютер вә хәт уруш машинкисини елип кәткәнликини билдүрди.

Хитайдики әрздарларни бастуруш вәқәлири, хәлқара кишилик һоқуқ тәшкилатлири, хитайни олимпик мурасимиға саһип болуш үчүн бәргән вәдисидә турмай хәлқниң кишилик һоқуқини бастуруш қилмишлирини давамлаштуриватқанлиқини әйибләватқан бир пәйткә тоғра кәлди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт