17 ‏- Qurultay mezgilide xitayning erzdarlarni basturush herikiti dawamlashmaqta

Xitay kommunistlar partiyisining 17 ‏- qurultiyi bügün 4 ‏- künige qedem qoydi, bu arida hökümetning erzdarlargha qaratqan basturush, qolgha élish, axturush ishliri dawamlashmaqta.

Jilinlik ayal erzdar du mingrung ikki kündin béri iz - déreksiz yoqap ketken bolup, istansimiz muxbiri peyshenbe küni uning saqchilar teripidin tutup kétilgenlikini iniqlidi. Xewerlerdin melum bolushiche , du mingrung köp qétim hökümetke erz sun'ghanliqtin , bu yil uninggha ikki yilliq emgek bilen özgertish höküm qilin'ghan . Uning salametlikining ajizliqi tüpeyli hökümet uning sirtta dawalinish telipige ruxset bergen . Biraq 17 ‏- qurultay échilish aldida u yene qolgha élin'ghan.

Istansimiz muxbiri 15 ‏- öktebir küni uni ziyaret qilghan idi. Arqidinla u qayta türmige tashlan'ghan. Melumatlargha qarighanda ,hökümet uninggha bérilgen ikki yilliq türme jazasini eslige keltüridiken.

Buningdin sirt, jéjyang da'iriliri béyjing saqchiliri bilen hemkarliship, li isimlik bir erzdarning öyini resmiyetsiz axturush élip barghan. U istansimizning ziyaritini qobul qilip, saqchilarning uning turushluq yérige basturup kélip uning kompyutér we xet urush mashinkisini élip ketkenlikini bildürdi.

Xitaydiki erzdarlarni basturush weqeliri, xelq'ara kishilik hoquq teshkilatliri, xitayni olimpik murasimigha sahip bolush üchün bergen wediside turmay xelqning kishilik hoquqini basturush qilmishlirini dawamlashturiwatqanliqini eyiblewatqan bir peytke toghra keldi. (Eqide)