Хитай әрздарлар, хитай хәлқ қурултийиға очуқ хәт әвәтти


2008.03.01

Хитайдики әрздарлар, хитай хәлқ қурултийиниң әзалириға очуқ йезип, хитай һөкүмитиниң олимпик тәнһәрикәт йиғини өткүзүш салаһийитигә игә әмәсликини, тәкитлигән.

Хитай кишилик һоқуқ қоғдиғучилири тәшкилатиниң хәвәр қилишичә, хитай хәлқ қурултийи әзалириға әвәтилгән очуқ хәт елан қилинғандин кейин, мәзкур учуқ хәтниң йезилишиға ярдәм қилған ваң гуелан исимлик бир хитай паалийәтчиси, сақчилар тәрипидин тутуп кетилгән.

Очуқ хәттә, " биз гә охшаш, кишилик һоқуқи дәпсәндә қилинған, дәрдигә дава тапалмиған әрздарлар, пуқралириниң әқәллий кишилик һоқуқлирини қоғдиялмиған бир дөләтни, олимпик өткүзүш мәдәний сәвийисигә йетәлмигән дөләт дәп қараймиз" дейилгән.

Хитай кишилик һоқуқ қоғдиғучилири тәшкилатиниң билдүрүшичә, хитай хәлқ қурултийи әзалириға әвәтилгән очуқ хәткә, 12700 дин артуқ киши қол қойған. Очуқ хәткә қол қойғанлар, хитай һөкүмитини хитай асасий қанунида капаләт астиға елинған сүз әркинлики, мәтбуат әркинлики йиғилиш әркинлики, сиясий партийә қуруш вә намайиш тәшкилләш әркинлики қатарлиқ әркинликләрни қоғдашқа чақирған. Улар шундақла бейҗиң һөкүмитидин, хитай сақчи даирилириниң сиясий өктичиләрни сотқа тартмай туруп, әмгәк билән өзгәртиш лагирлириға әвәтиш җазалириға һөкүм қилиш салаһийитини, бикар қилишни тәләп қилған. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.