Yawrupa kométiti, béyjingni siyasiy islahat élip bérishqa chaqiridi

Yawrupa komitétining re'isi barozo, béyjingni siyasiy islahat élip bérishqa chaqirip, kishilik hoquqni yaxshilash bilen démokratiyini ilgiri sürüshni teshebbus qildi. Barozoning qarishiche, yuqirida tekitlen'gen nuqtilar xitayning tereqqiyati bilen zich munasiwetlik iken.

Fransiye agéntliqining 16 - iyul künidiki xewirige qarighanda, barozo xitay ijtima'iy penler akadémiyiside nutuq sözlep: “yawrupa ittipaqining tejribe - sawaqliri hemde yawrupa ittipaqigha eza döletlerning oxshash bolmighan muhitta yekünligen netijisige asasen, eger xitayda chongqur bir siyasiy islahat élip bérilmaydiken, her qanche kücheygen iqtisadiy tereqqiyatmu , axiri jemiyette yüz bergen türlük dawalghushlar tüpeylidin toxtap qalidu” dep körsetken.

Barozo nutqining axirida , béyjingning teybéy bilen biwaste di'alog qurushini teshebbus qilghan. Shu küni xitay dölet re'isi xujintaw bilen söhbet ötküzgen barozo yene, xu jintawgha yawrupa ittipaqining xitay bilen istratégiyilik hemkarliq munasiwiti qurushni ümid qilidighanlqini bildürgen.