Хитайда әйдиз билән юқумланғанлар сани көпәймәктә


2007.11.10
Share on WhatsApp
Share on WhatsApp

Хитай әйдизниң алдини елиш вә контрол қилиш җәмийитиниң директори, дай җечиң, хитайда әйдиз веросиниң тез тарқиливатқанлиқини тәкитләп, һөкүмәтни бу һәқтә җиддий тәдбир елишқа чақирди.

Дай җечиңниң билдүрүшичә, бу йил авғуст ейиниң ахириғичә, хитайда әйдиз билән юқумланғанларниң сани 107,218 кишигә йәткән болуп, авғуст ейиниң өзидила 807,3 кишиниң әйдиз вируси билән юқумланғанлиқи байқалған.

Хитай мәтбуати 7‏- ноябир күни, 2007‏-йилиниң январ вә сентәбир айлири арисида уйғур елидә әйдиз вируси билән юқумланғанлар саниниң, өткән йилиниң охшаш вақти билән селиштурғанда %40 азайғанлиқини хәвәр қилған иди.

Әйдиз мутәхәссиси дай җечиңниң тәкитлишичә, хәлқниң әйдизниң вируси һәққидә йетәрлик мәлуматқа игә болмиғанлиқи, әйдизға қарши туруш һәрикитигә йетәрлик мәбләғ аҗритилмиғанлиқи, йеза-қишлақлардики сағлиқни сақлаш мәркәзлириниң керәклик үскүниләр билән қоралландурулмиғанлиқи вә аққунларниң контролсиз райондин- районға көчиши, хитайда әйдиз веросиниң тез тарқилишида муһим рол ойнимақта икән. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.