Xitay pelestinning hammas tashqi ishlar ministirini xitaygha teklip qildi

Xitay hökümiti charshenbe küni pelestindiki hammas teshkilatidin kélip chiqqan tashqi ishlar ministiri maxmud zaxarni xitaygha teklip qilidighanliqini bildürdi hemde béyjingning ottura sherqtiki menpe'etining néfittin halqighan halda pelestin bilen isra'iliyining tinchliq musapisini ilgiri sürüshni közde tutidighanliqini eskertti.

Amérika birleshme agéntliqining xewer qilishiche, xitay hökümiti yéqindin buyan ereb döletliri bilen bolghan munasiwetni alahide kücheytken bolup, xitay mushu ayning ichidila ereb döletliridiki ministirlar we karxanichilardin bolup 23 neper erebni xitaygha teklip qilip bolghan.

Pelestin tashqi ishlar ministiri maxmud zaxar hammas teshkilatining qatmal rehberliridin bolup, amérika we yawropa ittipaqi hammas teshkilatini térrorluq teshkilat dep hésablighanliqi üchün maxmud zaxar hökümitini eyiblep kelgen idi. Mushundaq bir weziyette xitayning uni teklip qilishi, amérika bilen xitay otturisida yene bir nöwet sürkilish peyda qildi.

Siyasiy mulahizichilar xitay hökümitining iqtisadiy tereqqiyatining éhtiyajini qandurush üchün küchining bériche ereb döletliri we afriqa döletliri bilen alaqini kücheytip, amérikidin néfit menbesini talishish körishini élip bériwatqanliqini bildürmekte. (Peride)