Xitay hökümiti yawropani qoral- yaraq imbargosini bikar qilishqa ündimekchi


2007.11.19

Xitay tashqi ishlar ministirliqining bildürüshige qarighanda, mushu ayning axiri yawropa ittipaqi bilen xitay arisida élip bérilidighan söhbet yighini jeryanida, xitay hökümiti yawropa birlikini xitaygha qaratqan qoral- yaraq imbargosini bikar qilishqa ündep köridiken.

Gerche xitay yawropa birlikining eng chong soda shériki bolsimu, emma 1989- yili xitay hökümet armiyisi tyen'enmén meydanida élip bérilghan démokratiye namayishini qanliq basturghandin kéyin, yawropa ittipaqi xitaygha qarita qoral-yaraq imbargosi yürgüzgen bolup, xitay hökümiti ta hazirghiche yawropa ittipaqini mezkur imbargoni bikar qilishqa ündep kelmekte.

Birleshme agéntliqining körsitishiche, xitay tashqi ishlar ministirliqining bir xadimi, xitayning yawropa ittipaqidin ilghar herbiy qorallarni sétiwélish niyitining yoqlughini bildürgen bolsimu, emma mezkur imbargoni birxil siyasiy kemsitish dep qaraydighanliqini bildürgen.

1989- Yili yawropa ittipaqi xitaygha qarita qoral-yaraq imbargosi yürgüzgendin buyan, mezkur mesile yawropa birliki bilen xitay arisida élip bérilghan diplomatik uchrishishlardiki muhim témilarning biri bolup kelmekte.

Melum bolushiche, mushu ayning 28- küni portugaliye bash ministiri josé sokratésning yétekchilikidiki yawropa ittipaqigha eza ellerdin kelgen wekiller ömiki béyjinggha yétip kélip, xitay terep bilen söhbet élip baridighan bolup, xitay mushu yighin jeryanida qoral- yaraq imbargosi mesilisini otturigha qoyidiken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.