Washin'gitonning xitay dölet mudapi'e ishlirigha arilishishi béyjing da'irilirini bi'aram qilmaqta

Xitay tashqi ishlar ministiri chin gang "washin'gton terepning bu qilmishi, xuddi qoshningzning ishik aldingizgha kélip: ‘öyingizde nime bar, körüp baqay?’ dep sorap turiwalghin'gha oxshaydu" dédi.

Yéqinqi yillardin béri, xitay iqtisadining tereqqi qélishigha egiship, xitayning herbi sélinmisi köpeytilgen. Bu ehwal, washin'giton terepni tinch okyandiki herbi kuch jehettiki tengpungluqning buzulup kétishni keltürüp chiqirishi mumkin dep endishige salghan idi.

Chin gang mundaq deydu, béyjing öz herbi küchini tinchliqini asasta tereqqi qildurushta ching turup keldi, lékin bashqilar bu xil pozitsiyisimizni nezerdin saqit qilimaqta. Xitay terepning bildürüshiche xitayning herbi tereqqiyati, peqet teywenning musteqil bolushining aldini élishni meqset qilghan bolup, bashqa rayon we döletlerning bixeterlikige tehdit élip kelmeydiken.

Amérika mu'awin prézidénti dik chénny özining bu qétimliq xitay ziyaritide, chin gangdin, xitayning herbi hazirliqlar kéngeymichlikini chüshendürüp bérishni telep qilghan we béyjing terepning bezi qilmishliri xitayning herbi hazirliqlar kéngeymichilik peqet tinchliq üchün dégen sözlirige muxalip kélidu dep körsetken idi. (Jüme)