Хитай һөкүмити интернеттики блог тор понкитлирини мәҗбурий тизимға алдуруштин ваз кәчти


2007-05-23
Share

Хитай һөкүмити 'интернет низами'ни елан қилип, интернеттики блок тор понкитлирини өзиниң һәқиқий исми билән тизимлитип торға киришкә мәҗбурлиған иди.

Бу низам хитайда интернет әһлиниң қаттиқ наразилиқини қозғиди. Гәрчә 'шинхуа агентлиқи' интернеттики блок тор понкитлирини 'тил-аһанәт,сериқ -шәһванийлиқ, қарилаш, мәхпийәтликни ашкарилаш қатарлиқларға йол қойди' дәп әйиблигән болсиму, әмма, б б с ниң хәвәр қилишичә, хитай һөкүмити йәнила интернеттики тор әһлиниң наразилиқи алдида, мәҗбурий тизимға алдуруш низамини иҗра қилиштин ваз кәчкән.

Һазир йәр шарида, америкидин қалса хитай иккинчи чоң интернет базири, хитайда интернет әһли 140 милйонға йетиду. 2006 ‏- Йилиниң ахирида блок тор понкити ачқан адәм сани 20 милйондин ашқан иди. Бирләшмә агентлиқиниң баян қилишичә, һазир хитай һөкүмити интернет тор әһлини тизимлитип торға киришкә мәҗбурлаштин ваз кәчкән болсиму, әмма сәһниниң кәйнидә туруп контрол қилишни йәнила давамлаштурмақта.(Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт