Америкида икки нәпәр хитай пуқраси үстидин җасуслуқ делоси турғузулди


2007.09.27

Б б с ториниң хәвәр қилишичә , америка йеқинда икки нәпәр хитай пуқраси устидин дело турғузди . Хәвәрдә билдүрүлишичә , ли фең вә ге юефей исимлик икки хитай, америкиниң һәрбий саһәсидиму алаһидә ишлитилиш қиммитигә игә болған микрочип дәп атилидиған компутер запчас лайиһисини оғрилап хитай һәрбий қисимлириға сатқан . Улар йәнә тـәйвәнниң бир компутер ширкитиниңму муһим һөҗҗәтлирини оғрилиған.

Мәзкур қилмишлар нөвәттә тәкшүрүш басқучида болуп, бу йил 9 ‏- өктәбирдә сот ечилиду. Җинайәт гумандарлиридин ли фең 42 яш , ге йүефиң 34 яш . Һәр иккиси компутер мутәхәссиси. Улар қанун орунлириға 30 миң доллар закаләт пул төлигән, бу пул уларниң сот күни нәқ мәйданға келишини капаләткә игә қилиш үчүн елинған .

Әгәр юқириқи қилмишлар, сот күни пакитлири билән толуқ испатланса, америка қанунлири буйичә , сода мәхпийәтликини оғрилаш җинайити вә җасуслуқ җинайити һесаблиниду. Бу әһвалда уларға әң көп болғанда 15 йиллиқтин қамақ җазаси берилиду.

Америкида бүгүнгә қәдәр 3 киши мушу хил җинайәт сәвәблик җазаланған. Мәзкур делоға мәсул бир қанун хадими америкиниң, билим мүлүк һоқуқи қанунини толуқ иҗра қилиш арқилиқ америка иқтисадиниң тәрәққияти вә дөләт бихәтәрликини капаләт астиға елип келиватқанлиқини билдүргән. Бу сөзләр , мәзкур делоға сәл қаралмайдиғанлиқидин бир ишарәттур. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.