Amérikida ikki neper xitay puqrasi üstidin jasusluq délosi turghuzuldi

B b s torining xewer qilishiche , amérika yéqinda ikki neper xitay puqrasi ustidin délo turghuzdi . Xewerde bildürülishiche , li féng we gé yuéféy isimlik ikki xitay, amérikining herbiy sahesidimu alahide ishlitilish qimmitige ige bolghan mikrochip dep atilidighan komputér zapchas layihisini oghrilap xitay herbiy qisimlirigha satqan . Ular yene tـeywenning bir komputér shirkitiningmu muhim höjjetlirini oghrilighan.

Mezkur qilmishlar nöwette tekshürüsh basquchida bolup, bu yil 9 ‏- öktebirde sot échilidu. Jinayet gumandarliridin li féng 42 yash , gé yüéfing 34 yash . Her ikkisi komputér mutexessisi. Ular qanun orunlirigha 30 ming dollar zakalet pul töligen, bu pul ularning sot küni neq meydan'gha kélishini kapaletke ige qilish üchün élin'ghan .

Eger yuqiriqi qilmishlar, sot küni pakitliri bilen toluq ispatlansa, amérika qanunliri buyiche , soda mexpiyetlikini oghrilash jinayiti we jasusluq jinayiti hésablinidu. Bu ehwalda ulargha eng köp bolghanda 15 yilliqtin qamaq jazasi bérilidu.

Amérikida bügün'ge qeder 3 kishi mushu xil jinayet seweblik jazalan'ghan. Mezkur délogha mes'ul bir qanun xadimi amérikining, bilim mülük hoquqi qanunini toluq ijra qilish arqiliq amérika iqtisadining tereqqiyati we dölet bixeterlikini kapalet astigha élip kéliwatqanliqini bildürgen. Bu sözler , mezkur délogha sel qaralmaydighanliqidin bir isharettur. (Eqide)