Amérika xitayning jasosluq pa'aliyetlirini eyiblidi


2007-11-15
Share

Amérika- xitay iqtsadiy we bixeterlik munasiwetlirini közitish komitéti, peyshenbe küni özining 2007‏- doklatini élan qilip, xitay hökümitining bolupmu amérikining ilghar herbiy téxnikisini qolgha keltürüsh üchün jasusluq pa'aliyitini kücheytkenlikini bildürdi.

Amérika-xitay iqtsadiy we bixeterlik munasiwetlirini közitish komitéti teripidin amérika dölet mejlisi we amérika hökümitige sunulghan doklatta, xitay hökümitining armiyisini küchlendürüsh, amérikining ilghar téxnikisini qolgha keltürüsh üchün bashlatqan jasusluq pa'aliyiti, amérika téxnologiyisi üchün eng chong tehdit hésablinidu, déyilgen.

Xitay hökümitining jasusluq pa'aliyitining nahayiti jiddiy bir mesile ikenliki tekitlen'gen doklatta, amérika hökümitidin buninggha qarshi tedbir élishi kérekliki telep qilin'ghan.

Doklatta shundaqla, xitay hökümitining erkin bazar iqtisadiy prinsiplirigha qarshi tedbirler élishqa bashlap, iqtisadiy sahede hökümet kontrolluqining barghanséri küchiyiwatqanliqi bayan qilin'ghan.

Amérika-xitay iqtisadiy we bixeterlik mesililirini közitish komitéti, amérika dölet mejlisi teripidin qurulghan bir komitét bolup,mezkur teshkilat 2007‏-yilliq doklatida, xitay hökümitining amérikidin ilghar téxnika oghrilash pa'aliyetlirining aldini élish we xitayning zeherlik tawarlar we ziyanliq yémek-ichmeklirining éksportini tosush üchün amérika hökümiti we dölet mejlisige 42 türlük teklip bergen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet