En'giliye razwétka idarisining bashliqi, xitayning jasusluq pa'aliyiti toghrisida agahlandurdi


2007-12-01
Share

En'giliye ichki razwétka idarisining re'isi janaton iwans, en'giliye shirketlirini xitayning jasusluq pa'aliyetliri toghrisida agahlandurdi.

En'giliye metbu'atining shenbe küni xewer qilishiche, en'giliye ichki razwétka idarisining re'isi janaton iwans mushu hepte ichide en'gliyidiki banka we qanun shirketlirining 300 din artuq bixeterlik idarilirining bashliqlirigha bir xet ewetip, ularni xitayning jasusluq pa'aliyetliri heqqide agahlandurup, xitay döletlik organlirining intérnét arqiliq ulargha hujum qiliwatqanliqini bildürdi.

Taymiz gézitining xewer qilishiche, en'giliye ichki razwétka idarisining re'isi xétide, xitay xakkérlirining hujumidin qoghdunush üchün kéreklik tedbirler tonushturghan. Xewerde éytilishiche, en'gliyidiki xitay bash elchixanisi shenbe küni bu xewer toghrisidiki so'allargha jawap bérishtin özini qachurghan.

Xitay kompyutér buzghunchilirining dunyadiki eng chong merkezliridin béri bolup, gherb döletliride nurghun kishiler bu ishta xitay hökümitining qoli barliqini bildürmekte. Gerche hazirghiche gherb döletliri xitay hökümitini ochuq- ashkara eyiblimigen bolsimu, lékin kompyutér mutexessisliri, amérika mudapi'e minstirliqi, en'giliye parlaménti, gérmaniye bash ministirliq ishxanisi qatarliq merkezlerning kompyutér sistémisigha qarita élip bérilghan buzghunchiliq we hujumlarda xitay armiyisining qoli bar déyishmekte. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet