Xitay hökümitining shendong ölkiside yüz bergen kömür kan weqesini tebi'iy apet dep körsitishi naraziliq qozghidi


2007-08-22
Share

Xitay hökümitining, shendong ölkisidiki ikki kömür kanda yüz bergen su bésip kétish weqesini tebi'iy apet dep körsitishi, xelqning naraziliqini qozghidi.

Fransiye agéntliqining xewer qilishiche, xitay hökümitining shendong ölkisidiki kömür kanda yüz bergen we 181 ishchining iz-déreksiz yoq bolup kétishini keltürüp chiqarghan kelkün weqesini, tebi'iy apet dep körsitishi, weqede qurban bolghanlarning a'ililirining qattiq naraziliqini qozghighan . Ular hökümetni kan ishchilirining bixeterlikini qoghdash üchün kéreklik tedbir almighan dep, eyiblimekte.

Xitay xelq ishliri ministiri liy shüyju, charshenbe küni béyjingda muxbirlargha bergen bayanatida," mutexessislerning tekshürüshidin kéyin, kömür kandiki bu qétimqi kelkün weqesining tebi'iy apetler katégoriyisige kiridighanliqi éniqlandi. Shunga qanunlargha asasen, weqede qurban bolghanlarning a'ililirining tölem telep qilish hoquqi yuq" dégen.

Xitayning mewjut qanunlirida tebi'iy apetlerde ölgen yaki yarilan'ghanlargha tölem tölesh sistémisining mewjut emeslikini tekitligen xitay xelq ishliri ministiri, "lékin shundaqtimu, hökümet we kömür kan shirketliri weqede ölgenlerning a'ililirige melum bir miqdarda pul yardem qilishi mumkin" dédi.

Xitay xelq ishliri ministirining bu bayanati, shendong ölkisidiki kömür kanlarda yüz bergen weqede iz--déreksiz yoq bolup ketken kan ishchilirining uruq- tughqanlirini qattiq ghezeplendürgen. Ular hökümetning weqe heqqidiki izahatini qobul qilmaydighanliqini, sotqa erz sunidighanliqini bildürmekte.

Xewerlerge qarighanda, weqede ‏iz-déreksiz yoq bolup ketkenlerning uruq-tughqanliri bilen xitay saqchiliri otturisida qattiq toqunushlar yüz bergen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet