Wén jyabaw xitay kishilik hoquq xatirisini aqlidi


2006.04.07
Share on WhatsApp
Share on WhatsApp

Xitay bash ministiri wén jyabaw yéngi zillandiyini ziyaret qilish jeryanida, junggo tashqiy dunyagha échiwétilish bilen birge, démokratiyining tereqqiyati we kishilik hoquqni yaxshilashni ilgiri sürmekte, dédi. Wén jyabaw peyshenbe küni yéngi zillandiye bash ministiri klak bilen söhbet ötküzgendin kéyin muxbirlargha xitay kishilik hoquq xatirisini aqlap, "junggo xelqi xizmet tépish, köchüsh, chet'elge sayahet qilish we uchur tallash mesiliside burunqigha qarighanda zor erkinliktin behriman bolmaqta " deydu.

Uning eskertishiche, junggo hökümiti yéqinqi bir qanche yil ichide 200 milyon kishining namratliqtin qutulushigha yardemchi bolghan. Lékin u, xitay kishilik hoquq xatiriside bezi yitersizlikler barliqini étirap qildi. U, junggoda démokratiye we siyasiy tereqqiyatning ilgirilishige egiship, xitay puqralirining téximu köp erkinliktin behriman bolidighanliqini bildürgen. Lékin wén jyabawning sözi kishilik hoquqni közitish teshkilatining tenqidige uchrighan.

Kishilik hoquqni közitish teshkilati asiya bölümining bashliqi bred adams, wén jyabawning sözi " erkinlik xitay rehberlirining junggo puqralirigha ata qilghan soghisi dégenni ima qilghan " dédi. "Kishiler tughulushtinla erkin tughülghan. Erkinlik ularning tartiwalghili bolmaydighan tüp hoquqi " dep tekitligen bred adams, " junggoda bu ehwal tamamen tetürisiche," junggo kompartiyisi pütün hoquqni kontrol qilmaqta " deydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.