Хитай һөкүмити чәтәл мәтбуатлириниң хитайға киришини чәкләшкә башлиди


2006.04.07
Share on WhatsApp
Share on WhatsApp

Бейҗиңдин кәлгән хәвәрләргә қариғанда хитай һөкүмити чәтәл мәтбуатлириниң хитайға киришини чәкләйдиған бир бәлгилимә чиқирип буни рәсмий йолға қоймақчи болған. Мәзкур бәлгилимә бойичә җуңгода тарқитилидиған көп қисим чәтәл гезит - жорналлириға буниңдин кейин тражини көпәйтиш рухсәтнамиси берилмәйду, әмма бу чәклимә илмий жорналларни ичигә алмайдикән.

Бирләшмә ахбарат агентлиқиниң хәвәр қилишичә, җуңго дөләтлик ахбарат вә нәшрият идарисидики даириләр, чәтәл мәтбуатлири билән "нәшрият һәмкарлиқини" көпәйтиш пилани йоқлиқини билдүргән болсиму, лекин бу чәклиминиң қачандин башлап йолға қоюлидиғанлиқини вә қачанғичә давамлишидиғанлиқини ашкарилимиған. Көзәткүчиләр, бу бәлгилимини җуңго базириға кириш пейида йүргән хәлқара чоң мәтбуатларға берилгән зәрбә, дәп қаримақта.

Хитай һөкүмити өткән йилдин бери, мәмликәт ичидә бәзи назук иҗтимаий мәсилиләрни паш қилишқа җүрәт қилған гезит - жорналларға қарита бастуруш елип барди. Йеқинда " җуңго яшлар гезити"ниң " нуқта" дигән нам билән чиқидиған бир стони мәркизи комитет тәшвиқат бөлөми тәрипидин әмәлдин қалдурулған. Лекин б б с ниң әскәртишичә, көзәткүчиләр хитай һөкүмитиниң бу бәлгилимисиниң , мәмликәт ичидики хитай мәтбуатлириниң базар риқабитини күчәйтишкә қаритилғанлиқи яки чәтәлниң тәсирини тосаш үчүн чиқирилған сияси қарар икәнлики һазирчә мәлум әмәс, дәп қаримақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.