Xitay hökümiti chet'el metbu'atlirining xitaygha kirishini chekleshke bashlidi


2006.04.07
Share on WhatsApp
Share on WhatsApp

Béyjingdin kelgen xewerlerge qarighanda xitay hökümiti chet'el metbu'atlirining xitaygha kirishini chekleydighan bir belgilime chiqirip buni resmiy yolgha qoymaqchi bolghan. Mezkur belgilime boyiche junggoda tarqitilidighan köp qisim chet'el gézit - zhornallirigha buningdin kéyin trazhini köpeytish ruxsetnamisi bérilmeydu, emma bu cheklime ilmiy zhornallarni ichige almaydiken.

Birleshme axbarat agéntliqining xewer qilishiche, junggo döletlik axbarat we neshriyat idarisidiki da'iriler, chet'el metbu'atliri bilen "neshriyat hemkarliqini" köpeytish pilani yoqliqini bildürgen bolsimu, lékin bu cheklimining qachandin bashlap yolgha qoyulidighanliqini we qachan'ghiche dawamlishidighanliqini ashkarilimighan. Közetküchiler, bu belgilimini junggo bazirigha kirish péyida yürgen xelq'ara chong metbu'atlargha bérilgen zerbe, dep qarimaqta.

Xitay hökümiti ötken yildin béri, memliket ichide bezi nazuk ijtima'iy mesililerni pash qilishqa jür'et qilghan gézit - zhornallargha qarita basturush élip bardi. Yéqinda " junggo yashlar géziti"ning " nuqta" digen nam bilen chiqidighan bir stoni merkizi komitét teshwiqat bölömi teripidin emeldin qaldurulghan. Lékin b b s ning eskertishiche, közetküchiler xitay hökümitining bu belgilimisining , memliket ichidiki xitay metbu'atlirining bazar riqabitini kücheytishke qaritilghanliqi yaki chet'elning tesirini tosash üchün chiqirilghan siyasi qarar ikenliki hazirche melum emes, dep qarimaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.