Америка бейҗиң даирилири билән хитай мәһсулатлириниң бихәтәрлики мәсилиси буйичә сөһбәтләшти

яврупа иттипақи истемалчиларниң мәнпәәтини қоғдаш комитетиниң мәхсус хадими хитай һөкүмити билән мәһсулатларниң бихәтәрлики мәсилиси буйичә сөһбәт өткүзгәндин кейин, америка һөкүмитиму мәзкүр мәсилә үстидә өз ‏- ара келишим һасил қилиш үчүн бейҗиңға вәкил әвәтти.

Америка сәһийә вә аммиви мулазимәт министирлиқидики бир мәсул хадим, бейҗиңда йимәк ‏- ичмәк, һайванатлар йәм - хәшәклири , дора һәмдә давалаш әсваблири қатарлиқларға аит мәсилиләрдә хитай тәрәп билән келишим түзгән. Америкиниң мәзкүр вәкилиниң ейтишичә, америка қанун иҗра қилиш органлири, хитайниң америкиға екиспорт қилидиған мәһсулатлириниң бихәтәрлик, сүпәт җәһәттә тәкшүрүш өлчимигә йәтмәй қелишидин әндишә қилидикән.

яврупа вә америка дөләтлириниң, хитай мәһсулатлириға болған ишәнчи зор дәриҗидә чүшкән болуп, хитайдики бир қисим мәһсулат пишшиқлап ишләш завутлири, болупму деңиз мәһсулатлири типидики белиқчилиқ саһәсидә експорт қилиш вә ишләпчиқиришта интайин чоң тосқунлуқларға дуч кәлмәктә икән.

Хитайда белиқчилиқ билән шуғуллиниватқан бир киши мухбирға, өзиниң бу йилниң йерим пәслидә, 300 миң йүән зиян тартқанлиқини билдүргән.

Буниңдин сирт, америка вә явропадики херидарларниң, хитайда ишләпчиқирилған кийим - кечәкләрни сетивелиш нисбити алаһидә төвәнләп кәткән. (Әқидә)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар