Хитайчә заманивий кесәллик кә гириптар болуватқан кишиләрниң сани 16 милйонға йәтти


2007-11-28
Share

Хитайда шәһәрләштүрүш һәрикитидин келип чиқиватқан аққун нопусниң көпийиши, җинайәт садир қилиш нисбитиниң юқири өрлиши, шәһәрләрдә қатнашниң қиста-қистаңлиқи, туралғу йетишмәслики, турмуш бошлуқиниң тарийиши, иш бесими қатарлиқлар түпәйлидин, һазир җәмийәттә һәр хил роһий, писхик кесәлликләр көпәймәктә.

Радиомиз мухбириниң игилишичә, тәрәққият мәсилиси буйичә гуаңҗуда ечилған бир чоң илмий муһакимә йиғинида, бейҗиң шехе медитсина академийисиниң башлиқи хуаң җәнши әпәнди бухил кесәлликни 'хитайчә заманивий кесәллик' дәп атиған вә униң ейтишичә, һазир хитайда бундақ кесәлликкә гириптар болуватқан адәм сани 16 милйонға йәткән.

Америкидики толидо университетниң саламәтлик мәсилиси мутәхәссиси рән бәйгуң әпәндиниң баян қилишичә, бу хил кесәллик дуняниң башқа җайлиридиму бар, лекин һазир хитайда бу мәсилә техиму гәвдилик. Униң қаришичә, бу хил 'хитайчә заманивий кесәллик' кә гириптар болғучилар асасән намратлар. Болупму турмуш қийинчилиқи вә роһи қисинчи ичидә қалған бир қисим зиялийлар, оттура дәриҗилик һәтта юқири дәриҗилик зиялийларда бундақ кесәллик кәлтүрүп чиқарған башқа җиддий кесәлликләр түпәйлидин өмри қисқирап кетиватқан һадисә еғир.

Америкидики нюйорк университетиниң баффолодики җәмийәтшунас профессори җаң җениң қаришичә, бу хил 'хитайчә заманивий кесәллик' ‏-‏ хитайда давамлишиватқан наһайити аз тәбиий байлиқтин интайин көп һосул елишқа урунуш кәлтүрүп чиқарған ақивәт. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт