Xitayche zamaniwiy késellik ke giriptar boluwatqan kishilerning sani 16 milyon'gha yetti

Xitayda sheherleshtürüsh herikitidin kélip chiqiwatqan aqqun nopusning köpiyishi, jinayet sadir qilish nisbitining yuqiri örlishi, sheherlerde qatnashning qista-qistangliqi, turalghu yétishmesliki, turmush boshluqining tariyishi, ish bésimi qatarliqlar tüpeylidin, hazir jem'iyette her xil rohiy, pisxik késellikler köpeymekte.

Radi'omiz muxbirining igilishiche, tereqqiyat mesilisi buyiche gu'angjuda échilghan bir chong ilmiy muhakime yighinida, béyjing shéxé méditsina akadémiyisining bashliqi xu'ang jenshi ependi buxil késellikni 'xitayche zamaniwiy késellik' dep atighan we uning éytishiche, hazir xitayda bundaq késellikke giriptar boluwatqan adem sani 16 milyon'gha yetken.

Amérikidiki tolido uniwérsitétning salametlik mesilisi mutexessisi ren beygung ependining bayan qilishiche, bu xil késellik dunyaning bashqa jayliridimu bar, lékin hazir xitayda bu mesile téximu gewdilik. Uning qarishiche, bu xil 'xitayche zamaniwiy késellik' ke giriptar bolghuchilar asasen namratlar. Bolupmu turmush qiyinchiliqi we rohi qisinchi ichide qalghan bir qisim ziyaliylar, ottura derijilik hetta yuqiri derijilik ziyaliylarda bundaq késellik keltürüp chiqarghan bashqa jiddiy késellikler tüpeylidin ömri qisqirap kétiwatqan hadise éghir.

Amérikidiki nyuyork uniwérsitétining baffolodiki jem'iyetshunas proféssori jang jéning qarishiche, bu xil 'xitayche zamaniwiy késellik' ‏-‏ xitayda dawamlishiwatqan nahayiti az tebi'iy bayliqtin intayin köp hosul élishqa urunush keltürüp chiqarghan aqiwet. (Weli)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar