Béyjingning hawa bulghinish derijisi guman peyda qildi


2007-11-19
Share

19 - Noyabir düshenbe küni, 2008- yilliq béyjing olimpikige qatnishidighan awstraliye komandisining tébbiy meslihetchisi we mexsus doxturi, xitayning olimpikini teshkillesh xizmitige mes'ul tarmaqlarning, béyjingning hawa süpiti üstide élip bérilghan tekshürüsh netijisini sirtqa ashkarilashni xalimay kelgenlikini bildürdi.

Melum bolushiche, xitay terep béyjing shehirining hawa süpitini östürüsh üchün bezi tedbirlerni alghandin kéyin , bu yil awghustta qaytidin béyjingning hawa süpiti ustidin tekshürüsh élip barghan.

Xitay hökümet da'iriliri béyjingning hawa bulghinish derijisi 15- 20 pirsentkiche töwenligen dep otturigha qoyghan bolsimu, emma birleshme agéntliqida awstraliye komandisining mexsus doxturi kén fitchning éytqanliridin neqil élip körsitishiche, doxtur fitch xitayning bu sanliq melumatlirigha gumani qarashta ikenlikini otturigha qoyghan.

U mundaq dégen: "men béyjingning hawa bulghinish derijisining élan qilin'ghan sanliq melumatlardikidek ikenlikni bayqimidim".

Doxtur kén fitch yene, kéler hepte gherbiy yawropadiki dölet monakoda, xelq'ara olimpik komitéti saghlamliq bashqarmisi we xitayning béyjing olimpikini teshkillesh komitéti arisida élip bérilidighan uchrishishta, béyjingning hawa süpiti heqqide köprek melumatlarning ashkarilinishini xalaydighanliqini bildürgen.

Béyjingning hawa süpiti mesilisi, 2008- yilliq béyjing olimpikidin burun xitay hel qilishqa tégishlik muhim mesililerdin biri bolup, xelq'ara olimpik komitéti jakos rojimu yéqinda, béyjingning hawa süpiti mesilisi tüpeyli uzun'gha sozulidighan bezi musabiqe türlirining kéchiktürülüp élip bérilishi mumkinlikini bildürgen idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet