Gu'angjuda 4 ming kishi ish tashlap yollargha tosaqlarni qurdi

2008-01-11
Élxet
Pikir
Share
Print

Xitayning gu'angju shehiridiki teywenlikler meblegh salghan gu'angda ayagh - kiyim karxanisining 4000 dek ishchisi aldinqi küni ish tashlap, yollargha tosaqlarni qurdi. Namayishchilar zawut da'iriliridin tutup qélin'ghan ma'ashini toluqlap bérishni telep qilghan.

Namayishchilardin bir kishining eskertishiche, buningdin 3 ay ilgiri karxana da'iriliri ishchilargha zawutning dungwen dégen jaygha köchidighanliqini, ishchilar xalisa dungwen'ge köchüp bérip ishlise bolidighanliqini uqturghandin kéyin, bezi ishchilar dungwen'ge köchüshni xalimay, zawut da'iriliridin 2002 - yildin buyan tutup qélin'ghan qoshumche ish heqqining toluqlap bérilishini telep qilghan bolsimu, lékin hazirgha qeder alalmighan.

Xewerlerde bu weqe ishchilarning naraziliqini qozghap, yuqiriqi namayishning kélip chiqishigha seweb bolghanliqi bildürülmekte. Ishchilarning eskertishiche, ular 2002 - yildin béri her küni kech sa'et 10:00din 12:00 giche qoshumche ishligen bolsimu, lékin qoshumche ish heqqi hazirgha qeder bérilmigen. Ishchilar namayish qilghandin kéyin karxana da'iriliri ishchilar bilen körüshüp, namayishchilarni qaytip kétishke ündigen hem ishchilarning wekil chiqirip zawut da'iriliri bilen söhbet ötküzüshini telep qilghan. Lékin ishchilar zawut da'irilirining wekil chiqirish toghrisidiki telipini ret qilghan.

Namayishchilarning eskertishiche, buningdin burun ishchilar zawut da'irilirigha köp qétim iltimas sun'ghan bolsimu, lékin zawut da'iriliri ishchilarning telipige qulaq salmighan. Xongkongdiki " wén xuy" gézitining xewer qilishiche, axiri weqege hökümet arilashqan bolup, saqchilarni ishqa salghan hem ishchilarni yoldiki tosaqlarni bikar qilishqa, zawut da'iriliri bilen söhbet ötküzüshke qayil qilghan. (Erkin)

Pikirler (0)
Share
Toluq bet