Jéjyang ölkiside öyidin köchüshke mejburlash sewebidin toqunush yüz berdi

Merkizi xongkongdiki kishilik hoquq we démokratiye uchur merkizining xewer qilishiche, charshenbe küni xitayning jéjyang ölkisi shéngjo shehiride xitay saqchiliri bilen namayishchilar otturisida yüz bergen toqunushlarda az dégende 20 kishi yarilan'ghan.

Kishilik hoquq we démokratiye uchur merkizi we xongkongda chiqidighan béyjing xewerliri gézitining bildürüshiche, toqunushlar charshenbe küni saqchilarning oyi bir qurulush da'irisi ichide yer alghan 90 yashliq ayalni oyidin mejburi köchürüshi bilen meydan'gha kelgen. Xewerlerge qarighanda, oyidin kochüshni ret qilghan yashan'ghan ayal oyining ögzisige chiqip "özini köydüriwalimen" dep tehdit qilghan.

Xewerde éytilishiche, mezkur ayal 2004‏- yildin béri oyidin köchmeslik üchün hökümet da'iriliri bilen tirkiship kelgen iken.

Shéngjo shehiride 2000 etrapida kishi saqchilarning yashan'ghan ayalini oyidin köchürüshige qarshi chiqip, saqchilarni tosushqa tirishqan. Namayishchilar bilen xitay saqchiliri otturisida chiqqan toqunushlarda, az dégende 20 kishi yarilan'ghan bolup, 6 namayishchi saqchilar teripidin qolgha élin'ghan.

Yerlik hökümet da'irilirining, bir nechche yildin béri, yéngi oy sélish, barar sélish yaki bashqa qurulush yasash üchün, déhqanlarning yerlirini sétishqa mejburlishi, xitayda nurghunlighan toqunushlargha seweb bolmaqta. Yerlirini sétishqa mejbur bolghan déhqanlar yaki öyliri hökümet teripidin élin'ghan kishiler, yerlik hökümet da'irilirining nahayiti az pulgha yer we öylirini sétiwalghanliqidin shikayet qilishmaqta. (Ömer qanat)