Хитай "қанун тәшвиқат күни" һарписида намайишчиларниң наразилиқиға дуч кәлди


2007-12-03
Share

Хитайдики "қанун тәшвиқат күни" һарписида бейҗиңда хитайниң һәрқайси җайлиридин келип адаләт тәләп қиливатқан әрзийәтчиләр намайиш елип барған болуп, әмма мәзкур намайиш хитай сақчилириниң бастурушиға учриди.

Франсийә агентлиқи хәвиридә көрситилишичә, , намайишчилар, бейҗиңға хитайниң җай-җайлиридин кәлгән 100 ләрчә әрзийәтчиләр болуп, пуқрачә кийингән хитай сақчилири синалғуға елишқа башлиғанда , улар тәрәп-тәрәпкә қечишип кәткән.

Әрзийәтчиләрдин бири болған ваң гулйән франсийә агентлиқиға намайиш қилишиниң сәвәбини чүшәндүрүп: "биз чоқум иттипақлишип, биз йолуққан адаләтсизликни вә тартқан әләмлиримизни җәмийәткә билдүришимиз керәк" дегән.

Мәлум болушичә, намайишчилар, сақчиларниң адәм уруши, һөкүмәтниң йәр ‏- земинини игиливелиши вә йәрлик әмәлдарларниң йәр ‏- земинни мусадирә қилиши қатарлиқ адаләтсиз қилмишлири ашкариланған пакитларни көтүрүшүп, мәркизий һөкүмәтниң начар әрзийәт ишлирини әйиблигән.

Ваң фамилилик намайишчиниң билдүрүшичә йәнә, чирик йәрлик әмәлдарлар қанунни авам хәлқниң һаяти билән ойнишидиған қоралға айландурувалған, көпчиликниң қан-тәр бәдилигә кәлгән байлиқларни игиливалған вә қанун билән қоғдинишқа тигишлик хәлқни қанун арқилиқ әзгән икән.

Франсийә агентлиқида берилгән хәвәрдин ашкарилишичә, бу нөвәт намайишқа қатнашқан кишиләрниң көп қисими бу йил өктәбирдә хитай мәркизи һөкүмитигә, демократийини илгири сүрүш вә бир партийилик коммунист һакимийитигә хатимә беришкә чақирип очуқ хәт йоллиған кишиләрдин икән.

4- Декабир күни пүтүн хитай миқясида, "қанунни тәшвиқ қилиш күни" тәбриклинидиған болуп, һөкүмәт буни "қанун билән идарә қилиш" ишлирини илгири сүрүш паалийити дәп сүрәтләп кәлмәктә. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт