Хитайдики әң чоң нефит ширкити бензин експортини вақитлиқ тохтитиши мумкин


2007-08-31
Share

Хитай ахбарат васитилириниң җүмә күнидики мәлуматиға қариғанда, хитайдики әң чоң нефит ишләпчиқарғучи ширкәт, хәлқарада хам нефитниң баһасида давалғуш пәйда болуватқан шараитта , хитайниң дөләт ичидики 9 - айлиқ нефит тәминләш ишлирини капаләткә игә қилиш үчүн чәтәлгә нефит експорт қилишни вақитлиқ тохтитиши мумкин икән.

Хитай бихәтәрлики журнилида көрситишичә, хитайниң дөләтлик нефит ширкити: хитай нефит санаити ширкити (中国石化 Sinopec ) бу йил авғустта бензин експорт миқдарини 100 миң тонна әтрапида қисқартқан болуп, експорт миқдарини йәнә давамлиқ қисқартиши һәтта вақитлиқ тохтитип қоюшиму мумкин икән.

Бу йил июнда хәлқара базарда һәр бир туң хам нефитниң баһаси 78 долларға йәткән болуп, хәвәрләргә асасланғанда, хәлқара базарда хам нефит баһасиниң туюқсиз өрләп кетиши, хитай дөләт ичидики пишшиқланған нефит баһасиға тәсир көрсәткән һәмдә хитай нефит айриш завутлирини зиянға учратқан , һәтта бәзи кичик типтики завутлар тақилип қалған.

Бу йил июнда, хитай нефит санаити ширкити, пишшиқ нефитниң баһасини өстүрүп беришни тәләп қилип хитай һөкүмитигә илтимас сунған болсиму, әмма хитай һөкүмити мал баһасиниң өрләп кетиши хәлқ аммиси җиддий көңүл бөлүватқан мәсилә болғачқа, мәзкур ширкәтниң баһа өстүрүш пиланини рәт қилған иди.

Бу ай бешида, хитай һөкүмити хитай нефит санаити ширкити вә бу ширкәт қармиқидики хитай нефит ширкитини( PetroChina 国石油 ) дөләт ичидики пишшиқ нефит тәминләш ишлирини капаләткә игә қилиш үчүн пишшиқ нефит експортини қаттиқ контрол қилишни вә дөләт ичидики нефит баһасини муқимлаштуруш үчүн һөкүмәт бәлгиләп бәргән нефит баһаси сияситигә бойсунушни тәләп қилған.

Хитайниң тиз өрләватқан иқтисадий тәрәққияти бу дөләтниң нефиткә болған еһтияҗини улғайтивәткән болғачқа, хитай хәлқара нефит базириға сәзгүр муамилидә болуп кәлмәктә.

2006- Йили хитайниң омумий нефит импорти 162.9 Милйон тонниға йетип 2005- йилидикидин 19 .6 Пирсәнт ашқан иди (җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт