Xitaydiki eng chong néfit shirkiti bénzin éksportini waqitliq toxtitishi mumkin
2007.08.31
Xitay axbarat wasitilirining jüme künidiki melumatigha qarighanda, xitaydiki eng chong néfit ishlepchiqarghuchi shirket, xelq'arada xam néfitning bahasida dawalghush peyda boluwatqan shara'itta , xitayning dölet ichidiki 9 - ayliq néfit teminlesh ishlirini kapaletke ige qilish üchün chet'elge néfit éksport qilishni waqitliq toxtitishi mumkin iken.
Xitay bixeterliki zhurnilida körsitishiche, xitayning döletlik néfit shirkiti: xitay néfit sana'iti shirkiti (中国石化 Sinopec ) bu yil awghustta bénzin éksport miqdarini 100 ming tonna etrapida qisqartqan bolup, éksport miqdarini yene dawamliq qisqartishi hetta waqitliq toxtitip qoyushimu mumkin iken.
Bu yil iyunda xelq'ara bazarda her bir tung xam néfitning bahasi 78 dollargha yetken bolup, xewerlerge asaslan'ghanda, xelq'ara bazarda xam néfit bahasining tuyuqsiz örlep kétishi, xitay dölet ichidiki pishshiqlan'ghan néfit bahasigha tesir körsetken hemde xitay néfit ayrish zawutlirini ziyan'gha uchratqan , hetta bezi kichik tiptiki zawutlar taqilip qalghan.
Bu yil iyunda, xitay néfit sana'iti shirkiti, pishshiq néfitning bahasini östürüp bérishni telep qilip xitay hökümitige iltimas sun'ghan bolsimu, emma xitay hökümiti mal bahasining örlep kétishi xelq ammisi jiddiy köngül bölüwatqan mesile bolghachqa, mezkur shirketning baha östürüsh pilanini ret qilghan idi.
Bu ay béshida, xitay hökümiti xitay néfit sana'iti shirkiti we bu shirket qarmiqidiki xitay néfit shirkitini( PetroChina 国石油 ) dölet ichidiki pishshiq néfit teminlesh ishlirini kapaletke ige qilish üchün pishshiq néfit éksportini qattiq kontrol qilishni we dölet ichidiki néfit bahasini muqimlashturush üchün hökümet belgilep bergen néfit bahasi siyasitige boysunushni telep qilghan.
Xitayning tiz örlewatqan iqtisadiy tereqqiyati bu döletning néfitke bolghan éhtiyajini ulghaytiwetken bolghachqa, xitay xelq'ara néfit bazirigha sezgür mu'amilide bolup kelmekte.
2006- Yili xitayning omumiy néfit importi 162.9 Milyon tonnigha yétip 2005- yilidikidin 19 .6 Pirsent ashqan idi (jüme)
Munasiwetlik maqalilar
- Xitay tebi'iy gaz we néfit turuba liniyilirini yene kéngeytmekchi
- Xitay, néfit we bashqa bayliq menbelirining israp qélinishni kontrol qélish üchün néfittin élinidighan bajni köpeytidiken
- Xitay chet'eldin néfit import qilish qedimini tézletmekchi
- Dunyadiki chong néfit shirketliri xitay néfit bazarlirigha kirdi
- Sichu'ende gaz chiqip kétish weqesi yüz berdi
- Xitay néfit baziri échish heqqide belgilime chiqarghan
- Xitay -türkmenistandin néfit gazi import qilish gaz turuba qurulushini maqullidi
- Rusiye altay arqiliq xitayning sherqi déngiz rayonlirini teminleydighan tebi'i gaz turubisi yasimaqchi
Köp körülgen xewerler
RFA
- Almutadiki Uyghur jama'iti 1-öktebir “Matem küni” de weten shéhitlirini yad etti
- Yaponiye we awstraliyede xitayning Uyghur élini bésiwalghanliqining 75 yilliqigha naraziliq bildürüldi
- Xitay diplomatik organliri bu yilliq dölet bayrimini tebrikleshte yene “Shinjang ussuli” ni sehnige élip chiqqan
- Prinséton uniwérsitéti kutupxanisi: “Köpchilikning Uyghur tilidiki kitab-matériyallarni teqdim qilishini qarshi alimiz”
- Uyghurlar duch kelgen irqiy qirghinchiliqqa a'it yéngi kitab türkiyede tarqitilishqa bashlidi