Xitayning xelq'aradiki obrazi künséri xunukleshmekte

Yéqinda merkizi washin'gtondiki péw tetqiqat merkizi teripidin dunyadiki 47 dölette élip bérilghan bir qétimliq ray sinashning netijisige qarighanda, xitayning xelq'aradiki obrazining künsiri xunuklishiwatqanliqi otturigha chiqqan.

6‏- Ayning 27‏- küni amérika sabiq tashqi ishlar minstiri madlyin albrayt teripidin washin'gtonda ötküzülgen muxbirlarni kütüwélish yighinida ashkarilan'ghan ray sinash netijilirige asaslan'ghanda, bolupmu ötken ikki yildin béri, yawrupa, hindistan, we hindonéziye qatarliq döletlerde, xitayning herbiy küchini kücheytishidin endishe qiliwatqan kishilerning sani köpiyip, xitaygha bolghan ishenchi azayghan.

Albrayt xanimning ashkarilishiche, en'gliyide ,fransiyide , hindistanda shundaqla hindonéziyilerde xitaygha qarita yaxshi köz qarashta bolghanlarning sani 2005‏- yiligha qarighanda ayrim ‏- ayrim halda on nechche pirsenttin töwenlep ketken.

Ray sinash netijisige asaslan'ghanda, iraq urushi we afghanistandiki herbiy herikiti tüpeylidin amérikining xelq'aradiki obrazimu töwenlimekte iken. (Eqide)