Xitay olimpik munasiwiti bilen rabiye qadir bashliq bir qanche Uyghurning herikitige diqqet qilishni belgiligen


2007-05-27
Share

2008-Yilliq béyjing tenheriket musabiqisi munasiwiti bilen xitay jama'et xewpsizlik organliri uqturush chiqirip, xitayning ichi-sirtidiki olimpik bilen munasiwetlik shexslerge nisbeten tekshürüsh élip bérishni belgiligen.

Xitay tilidiki "boshun" torining tarqatqan uchurigha asaslan'ghanda, bu yil 4-ayda xitay jama'et xewpsizlik ministirliqi her qaysi ölke, aptonom rayon we biwasite qarashliq sheherlerge mexpiy buyruq chüshürüp, olimpik bilen munasiwetlik shexslerni tekshürüshni orunlashturup, xitay hökümitige paydisiz dep qaralghan barliq unsurlarni tazilashni, 11 türdiki ademler ichidin 43 xildikisini olimpik pa'aliyitining sirtida qaldurushni qarar qilghan.

Bu xildiki ademler katégoriyisige xitay ichi-sirtidiki atalmish "düshmen küchler" yeni teshkilatlarning ezaliri we idi'ologiye sahediki nuqtiliq ademler kirgüzülgen bolup, falun'gungchilar, atalmish qanunsiz diniy pa'aliyetchiler, atalmish milliy bölgünchiler jümlidin atalmish "shinjang üch xil küchliri" shuningdek dalay lamaning sürgündiki hökümitining terkibidiki teshkilatlarning ezalirimu mezkur katégoriyige mensup qilin'ghan.

" Boshun" toridiki xewerge asaslan'ghanda, xitay jama'et xewpsizlik ministirliqi chüshürgen uqturushta chet ellerde pa'aliyet élip bériwatqan Uyghur pa'aliyetchiliridin rabiye qadir, erkin aliptékin bashliq toqquz kishige nisbeten közitish we kontrol qilish telep qilin'ghan.

Xewerlerdin qarighanda, xelq'araliq insan hoquqi teshkilatliri xitay hökümitining olimpik musabiqisini ötküzüsh salahiyitini qolgha keltürüsh üchün bergen insan hoquqini yaxshilash wedilirini orundimighanliqini izchil tenqid qilmaqta. Dunya Uyghur qurultiyining re'isi rabiye qadir xanimmu démokratiyini himaye qilidighan döletlerdin bu musabiqqa bayqut élan qilishni telep qilghan idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet