Xitay bixeterlik tarmaqliri béyjing olimpik yighinida namayish élip barghanlar qattiq jazalinidighanliqini bildürdi

2007-11-16
Élxet
Pikir
Share
Print

Xitay saqchi da'irilirining jüme küni bildürgenlirige qarighanda, kéler yilliq béyjing olimpiki jeryanida, ijtima'iy we yaki siyasiy tüs alghan namayishlargha qarshi qattiq charilerni qollinidiken.

Birleshme agéntliqida neqil qilinishiche, xitay olimpik bixeterlik qomandanliq merkizining mu'awin diréktori lyu shawwu, amanliq saqlighuchi qisimlarning olimpik musabiqisi ötküzüwatqan orunda we yaki shuning etrapida élip bérilghan herqandaq shekildiki namayishlarni tosidighanliqini bildürgen.

U yene mundaq dégen: " xitayning igilik hoquqigha dexli qilidighan, bölgünchilik we térrorluqqa ündeydighan herqandaq qilmishlargha yol qoyushqa bolmaydu we xitay qanuni buyiche bir terep qilinidu."

Birleshme agéntliqining bu heqte bergen xewerde körsitilishiche, lyu olimpik yighinida yürgüzülidighan yuqiriqi bixeterlik charilirini aqlap, olimpik musabiqisi ötküzülüwatqan orunda élip bérilghan namayishlarni bésiqturushning olimpik nizamnamisige uyghun ikenlikini qoshumche qilghan.

Melum bolushiche, kéler yili 8- awghusttin 24- awghustqiche béyjingda ötküzülidighan 2008- yilliq olimpik yighinigha 28 ming neper chet'el muxbiri we axbarat xadimliri qatnishidighan bolup, bu xitayda hökümetke naraziliq bildürgüchilerni kem tépilidighan purset bilen temin étidiken. (Jüme)

Pikirler (0)
Share
Toluq bet