Xelqara olimpik komitéti emeldarliri xitay kishilik hoquq bayanati heqqide munazirileshmekte

2007-11-27
Élxet
Pikir
Share
Print

Xelq'ara olimpik komitéti emeldari we yawrupa parlamént ezasi pal shimit düshenbe küni olimpik komitétini, kéler yil béyjing olimpiki bashlinish aldida xitayning kishilik hoquqi toghrisida bayanname élan qilishqa" chaqirdi.

65 Yashqa kirgen pal shimit, 1968 ‏- hemde 1972 ‏- yilliridiki olimpikta altun médal alghan. Uning bildürüshiche, 1964 ‏- yili xelq'ara olimpik komitéti jenubiy afriqining olimpikqa qatnishishini emeldin qaldurghan, buninggha jenubiy afriqida irqiy ayrimichiliqning ewj élishi seweb bolghan.

" Yene shundaq heriket qollinidighan peyt yétip keldi " dep bildürgen pal yene " nöwette insan heqliri teshkilatliri hem pa'aliyetchilirining nachar insan heqliri kélimatlirining olimpikqa tesir körsitiwatqanliqi heqqidiki iltijalirigha, boluwatqan ishlargha quliqimizni yopuruwalalmaymiz, ilgiri jenubiy afriqigha qarita shundaq bir siyasiy bayanat élan qilghandek, olimpik komitéti buni yene qayta qilishqa bolidu, " deydu.

Pal özi olimpikni bayqut qilishqa qarshi bolup, u olimpikni bayqut qilish tenheriketchilerni jazalash dep qaraydiken. Shunga u bu xitaygha bérilgen altun purset, emma bu purset kishilik hoquqqa hörmet qilin'ghan asasta bérilishi kérek, "deydu. (Gülchéhre)

Pikirler (0)
Share
Toluq bet