Xitay hökümiti kishilik hoquq teshkilatlirining bésimigha tiz pükmeydighanliqini bildürdi

2008-01-29
Élxet
Pikir
Share
Print

Xitay hökümet axbarat wastilirining xewer qilishiche, xitay hökümet da'iriliri béyjing olimpikini kozur qilip xitayning siyasitini özgertish arzusida boluwatqan hökümet we her qandaq teshkilatlarning bésimlirigha qet'iy tiz pükmey öz siyasitini hergiz özgertmeydighanliqini otturigha qoydi.

Roytérs agéntliqida xitay hökümitining zuwani bolghan junggo gézitidin neqil élip körsitilishiche, gézitte olimpikning dunay xaraktérlik munazire nuqtisigha aylan'ghanliqi, emma xitayning bundaq bésimlargha berdashliq béreleydighanliqi körsitilip: " ular xitaygha yéterlik bésim ishlitip xitay hökümitini özlirining dégen yérige keltürimiz dep oylap qaldi, emma ular chotni xata soqti," dep yézilghan.

Xewerde körsitilishiche, xitay tashqi ishlar ministiri bayanatchisi jyang yü xitay hökümitining öz puqralirining erkinliki we hoquqini qoghdash jehette körsetken tirishchanliqining choqum nezerge élinishini we olimpikning siyasiylashturulmasliqini otturigha qoyghan we xelq'ara jem'iyetning béyjing olimpikige qarshi turidighan pikirlerge qarshi inkas qayturushi kéreklikini bildürgen.

Dunyaning herqaysi jayliridiki kishilik hoquq we démokratiye teshkilatliri bu yil xitayda ötküzilidighan olimpikning xitaygha démokratiye we erkinlik élip kélidighan yaxshi purset ikenlikini arzu qilip xitaygha bu jehetlerde her tereplerdin bésim ishlitip kéliwatqan idi.

Ötken yili yazda amérikiliq dangliq kino cholpini miya ferrow xanim, darfurda qirghinchiliq élip bériwatqan sudan hökümiti xitayning iqtisadi jehette qollap herbiy jehette qoral‏ - yaraq bilen teminlishige ériship kelgenlikini körsitip 2008 - yilliq béyjing olimpikini "qirghinchiliq olimpiki "dep atighan idi.

Ötken hepte nyuyork waqt gézitide "xitayning qirghinchiliq olimpiki" namliq bir parche obzor élan qilin'ghan bolup, mezkur maqalide xitay darfur rayonida irqiy qirghinchiliq élip bériwatqan dölet sudanni diplomatiye jehette qollap olimpikke dagh chüshürdi dégen idiye ilgiri sürülgen, bu maqale élan qilghandin kéyin, bu obzor üstide torda her türlük inkaslar ewj alghan idi. (Jüme)

Pikirler (0)
Share
Toluq bet