خىتاي ھۆكۈمىتى ئولىمپىك مۇسابىقىسىدا رۇخسەتسىز نامايىش قىلىشقا بولمايدىغانلىقىنى جاكارلىدى
2008.03.12
خىتاي ھۆكۈمىتى بۈگۈن بېيجىڭ ئولىمپىك مۇسابىقىسىدا، مەيلى ئۇ يەرلىك بولسۇن ياكى چەتئەللىك بولسۇن، ھەر قانداق كىشىنىڭ ساقچىلارنىڭ رۇخسىتىسىز نامايىش قىلىشىغا رۇخسەت قىلىنمايدىغانلىقىنى، بۇ يەرلىك قانۇنغا چۇقۇم رىئايە قىلىش لازىملىقىنى جاكارلىدى.
فرانسىيە ئاگېنتلىقىنىڭ بايان قىلىشىچە، دۇنيا بۇيىچە ئورتاق ئۆلچەمدە ئېلىپ بېرىلىدىغان ئولىمپىك مۇسابىقىسى ھەققىدە كوممۇنىست خىتاي ھۆكۈمىتى ئۆزى تۈزگەن بۇ يەرلىك قانۇننى ليۇ جىنمىڭ ئىسىملىك بىر ئەمەلدار ئېلان قىلغان.
ب ب س نىڭ بايان قىلىشىچە، ئورگىنى پارىژدىكى چېگرىسىز مۇخبىرلار تەشكىلاتى ھازىر ئىنتېرنېتنى توسۇۋالغان دۆلەتلەرگە قارىتا تور نامايىشى ئېلان قىلدى. بۇ تەشكىلاتنىڭ قارىشىچە، ئىنتېرنېتنى توسۇۋالغان دۆلەتنىڭ كۆپىنچىسى ئاسىيادا. بۇ رايوندا خەلقئارالىق تور بەتلىرىدىن 2600 ئى تاقىلىپ كەتتى، ئىنتېرنېت ئارقىلىق ئەركىن پىكىر بايان قىلغان 62 كىشى قولغا ئېلىندى. بۇنداق قانۇنسىز ھەرىكەت بىلەن شۇغۇللىنىۋاتقان دۆلەتلەر غەرب دۆلەتلىرىدىكى بەزى شىركەتلەر بىلەن تىل بىرىكتۈرۈۋالغان.
خەۋەردە ئېيتىلىشىچە، بۇ تەشكىلاتنىڭ ھازىر شۆبىلىرى ئىنتېرنېت ئارقىلىق تيەنئەنمېن مەيدانىدا، كىم ئېرسىن مەيدانىدا، ياڭگۇن، ھاۋانا، ئاشخاباد كوچىلىرىدا تەقلىتەن نامايىش قىلىش پائالىيىتىنى باشلىدى. (ۋەلى)
مۇناسىۋەتلىك ماقالىلار
- خىتاي ھۆكۈمىتى لخاسادا تىبەتلەرنىڭ نامايىشىنى باستۇرغانلىقىنى ئېتىراپ قىلدى
- دالاي لاما ئولىمپىك مۇناسىۋىتى بىلەن خىتاينى ئەيىبلىدى
- قازاقىستان ئىككى نەپەر خىتاي تەنھەرىكەتچىنى پۇقرالىققا قوبۇل قىلماقچى
- دالاي لاما 2008 - يىللىق بېيجىڭ ئولىمپىك تەنھەرىكەت يىغىنىنى قوللايدىغانلىقىنى بىلدۈردى
- ئەرمەنىيىدىكى قالايمىقانچىلىقتا 8 ئادەم ئۆلدى
- ئەنگىلىيە تاشقى ئىشلار مىنىستىرى مىلىباند خىتاينى لۈكچەك دۆلەتلەر بىلەن ھەمتاۋاق بولماسلىققا چاقىردى
- ئولىمپىك مۇناسىۋىتى بىلەن ئېلىپ بېرىلغان پائالىيەتلەر خىتايدا ئۆزگىرىش ھاسىل قىلالمايدۇ
- "ھەق - ھوقۇقىمىزنى ۋە قەدىر - قىممىتىمىزنى قايتۇرۇپ ئالىمىز "
- سىچۇەندە نەچچە مىڭ ئىشچى ئىش ھەققىگە نارازى بولۇپ ئىش تاشلىدى
- كىشىلىك ھوقۇقنى كۆزىتىش تەشكىلاتى ئامېرىكىنى خىتاي كىشىلىك ھوقۇقى مەسىلىسىدە سۆزى بىلەن ھەرىكىتى بىردەك بولۇشقا چاقىردى
- خىتاي بېيجىڭ خەلقئارا ئايرودرومىنىڭ بىخەتەرلىك تەدبىرلىرىنى كۈچەيتتى