Хитай һөкүмити олимпик мусабиқисида рухсәтсиз намайиш қилишқа болмайдиғанлиқини җакарлиди


2008-03-12
Share

Хитай һөкүмити бүгүн бейҗиң олимпик мусабиқисида, мәйли у йәрлик болсун яки чәтәллик болсун, һәр қандақ кишиниң сақчиларниң рухситисиз намайиш қилишиға рухсәт қилинмайдиғанлиқини, бу йәрлик қанунға чуқум риайә қилиш лазимлиқини җакарлиди.

Франсийә агентлиқиниң баян қилишичә, дуня буйичә ортақ өлчәмдә елип берилидиған олимпик мусабиқиси һәққидә коммунист хитай һөкүмити өзи түзгән бу йәрлик қанунни лю җинмиң исимлик бир әмәлдар елан қилған.

Б б с ниң баян қилишичә, оргини париждики чегрисиз мухбирлар тәшкилати һазир интернетни тосувалған дөләтләргә қарита тор намайиши елан қилди. Бу тәшкилатниң қаришичә, интернетни тосувалған дөләтниң көпинчиси асияда. Бу районда хәлқаралиқ тор бәтлиридин 2600 и тақилип кәтти, интернет арқилиқ әркин пикир баян қилған 62 киши қолға елинди. Бундақ қанунсиз һәрикәт билән шуғуллиниватқан дөләтләр ғәрб дөләтлиридики бәзи ширкәтләр билән тил бириктүрүвалған.

Хәвәрдә ейтилишичә, бу тәшкилатниң һазир шөбилири интернет арқилиқ тйәнәнмен мәйданида, ким ерсин мәйданида, яңгун, һавана, ашхабад кочилирида тәқлитән намайиш қилиш паалийитини башлиди. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт