Хитайниң японийә әлчиханисида турушлуқ сабиқ хадими өлүм җазасиға һөкүм қилинди


2007.11.15
Share on WhatsApp
Share on WhatsApp

Хитай ‏- японийә мунасивитини тәрәққи қилдуруш хәлқара достлуқ бирләшмисиниң даимий һәйити,хитайниң японийидики баш әлчиханисида турушлуқ сабиқ хадими ваң чиңчән, японийигә дөләт мәхпийәтликини ашкарилаш җинайити билән әйиблинип өлүм җазасиға һөкүм қилинған.

японийә мәтбуатлирида ейтилишичә, 51 яшлиқ ваң чиңчән, 2006 ‏- йилидин башлап хитай дөләт бихәтәрлик министирлиқи тәрипидин тәкшүрүш астиға елинған болуп, дөләтниң һәрбий мәхпийәтликини ашкарилиған дегән җинайәт билән әйиблинип, бу йил язда хитай һәрбий соти тәрипидин мәхпий йосунда өлүмгә һөкүм қилинип, икки йилдин кейин иҗра қилиш қарар қилинған.

Ваң чиңчән илгири хитай һәрбий ахбарат оргининиң полковники болған, 1980 ‏- йилидин башлап, хитайниң японийидики баш әлчиханисиниң баш катипи болуп, японийиниң һәр қайси саһәлиридики әрбаблар билән йеқин мунасивәт қурған.

японийә мәтбуати, хитай вә японлуқларниң сөзини нәқил кәлтүрүп, өткән йили язда ваң чиңчәнниң, хитайниң һәрбий мәхпийәтликигә аит муһим материялларни японларға тапшуруп бәргәнликини, мәзкүр материялларниң бир қисми ашкарилинип қалғанлиқтин униң тәкшүрүш астиға елинғанлиқини баян қилди.

Буниңдин сирт йәнә, ваң чиңчәнниң қол астида вәзипә өтигән зи юңгуаңму парихорлуқ җинайити билән 3 йиллиқ қамақ җазасиға һөкүм қилинған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.