ئامېرىكا مالىيە مىنىستىرى پائۇلسون خىتاينى ئۆز پۇلىنىڭ قىممىتىنى ئۆستۈرۈشكە قىستىدى


2007-11-09
Share

ئامېرىكا مالىيە مىنىستىرى پائۇلسون، 8 - نويابىر پەيشەنبە كۈنى نيۇيوركقا جايلاشقان خىتاي تەتقىقات ئىنستىتۇتىدا نۇتۇق سۆزلەپ، بېيجىڭ خىتاي پۇلىنىڭ ئالماشتۇرۇش قىممىتىنى تەڭشەش جەھەتتە دۇنيانىڭ باشقا جايلىرى بىلەن ماس قەدەمدە ماڭالمىدى دەپ، خىتاينى ئەيىبلىدى ۋە خىتاينى ئۆز پۇلىنىڭ قىممىتىنى ئۆستۈرۈشكە قىستىدى.

ئۇ خىتاي پۇلىنىڭ تۆۋەن ئالماشتۇرۇش قىممىتى ھەققىدە توختىلىپ: "نۇرغۇن دۆلەتلەر بۇنى بىر ئادالەتسىز رىقابەتنىڭ مەنبىيى دەپ تونۇيدۇ" دېدى.

ئۇ يەنە ئامېرىكا ئوتتۇرىغا قويغان خىتاي پۇلىنىڭ ئالماشتۇرۇش قىممىتىنى تەڭشەش چاقىرىقىغا يەنە نۇرغۇن دۆلەتلەرنىڭ ئاۋاز قوشقانلىقىنى ئوتتۇرىغا قويدى ۋە خىتاي چوقۇم ئېلاستىكلىق تەدبىر ئېلىپ، پۇلنىڭ ئالماشتۇرۇش قىممىتىنى بازار ئەھۋالى بەلگىلەيدىغان بىر ھالەتنى شەكىللەندۈرۈشى كېرەكلىكىنى تەكىتلىدى.

2005- يىلى خىتاي پۇلىنىڭ ھۆكۈمەت بېكىتكەن ئالماشتۇرۇش ئۆلچىمى ئاياغلاشتۇرۇلغاندىن كىيىن، خىتاي پۇلىنىڭ ئامېرىكا دوللىرىغا بولغان ئالماشتۇرۇش قىممىتى 11 پىرسەنت ئاشقان ئىدى.

ئامېرىكا مالىيە مىنىستىرى ھېنري پائۇلسون كېلەر ئايدا خىتاي ھۆكۈمەت زىيارىتى ئېلىپ بارىدىغان بولۇپ، بۇ ئۇنىڭ 2006- يىلى مەزكۇر ئورۇنغا بېكىتىلگەندىن كېيىنكى 5- قېتىملىق خىتاي زىيارىتى. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت