Бейҗиңда йәнә бир адвокат қаттиқ тәһдиткә учриди


2007-10-04
Share

Бейҗиңдики кишилик һоқуқни һимайә қилғучи адвокат ли хепиң йеқинда, кимлики намәлум 10 нәччә кишиниң қаттиқ таяқ зәрбисигә вә аилиси билән бирликтә дәрһал бейҗиңдин айрилиш һәққидики тәһдитигә учриди.

Хоңкоңдики җуңгу кишилик һоқуқни һимайә қилғучи адвокатларға нәзәр тәшкилати пәйшәнбә күни, адвокат ли хепиң үстидин қилинған қанунсизлиқ вә зораванлиқ һәрикәтлиригә наразилиқ билдүрүп, хитай даирилириниң қанун вә әдилийә сестимисини яхшилап, кишилик һоқуқни һимайә қилишини тәләп қилди.

Тәйвән мәркизи агентлиқиниң хәвиридә , ли хепиңниң ишханисиға бастуруп киргүчиләрниң, ишханидики барлиқ материял вә компиютерларни елип кәткәнлики билдүрүлгән.

Вәқәдин хәвәрдар бир кишиниң ейтишичә , ли хепиң илгири зиянкәшликкә учриған мәшһур адвокат , кишилик һоқуқ һимайичиси гав җимониң өйигә бир қанчә қетим барған болуп, униң бу қетим қаттиқ таяқ вә зәрбигә учриши шу сәвәбтин мәйданға кәлгән болуши мумкин.

Адвокатларға нәзәр тәшкилати өзиниң наразилиқ хетидә , бейҗиңниң келәр йили өткүзүлидиған олимпик мурасиминиң алдида, йүз бериватқан зораванлиқ һәрикәтлирини әстайидиллиқ билән тәкшүрүп бир тәрәп қилиши, болупму олимпик өткүзүштин бурун кишилик һоқуқ бәлгилимилиригә әмәл қилиш һәққидики вәдисигә әмәл қилиши керәкликини тәкитлиди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт