Béyjingda yene bir adwokat qattiq tehditke uchridi

Béyjingdiki kishilik hoquqni himaye qilghuchi adwokat li xéping yéqinda, kimliki namelum 10 nechche kishining qattiq tayaq zerbisige we a'ilisi bilen birlikte derhal béyjingdin ayrilish heqqidiki tehditige uchridi.

Xongkongdiki junggu kishilik hoquqni himaye qilghuchi adwokatlargha nezer teshkilati peyshenbe küni, adwokat li xéping üstidin qilin'ghan qanunsizliq we zorawanliq heriketlirige naraziliq bildürüp, xitay da'irilirining qanun we ediliye séstimisini yaxshilap, kishilik hoquqni himaye qilishini telep qildi.

Teywen merkizi agéntliqining xewiride , li xépingning ishxanisigha basturup kirgüchilerning, ishxanidiki barliq matériyal we kompiyutérlarni élip ketkenliki bildürülgen.

Weqedin xewerdar bir kishining éytishiche , li xéping ilgiri ziyankeshlikke uchrighan meshhur adwokat , kishilik hoquq himayichisi gaw jimoning öyige bir qanche qétim barghan bolup, uning bu qétim qattiq tayaq we zerbige uchrishi shu sewebtin meydan'gha kelgen bolushi mumkin.

Adwokatlargha nezer teshkilati özining naraziliq xétide , béyjingning kéler yili ötküzülidighan olimpik murasimining aldida, yüz bériwatqan zorawanliq heriketlirini estayidilliq bilen tekshürüp bir terep qilishi, bolupmu olimpik ötküzüshtin burun kishilik hoquq belgilimilirige emel qilish heqqidiki wedisige emel qilishi kéreklikini tekitlidi. (Eqide)