خۇ جىنتاۋ 20 ‏- دېكابىر كۈنى نۇرسۇلتان نەزەربايېف بىلەن كۆرۈشكەن


2006-12-20
Share

شىنخۇا ئاگېنتلىقىنىڭ 20 ‏- دېكابىر كۈنى خەۋەر قىلىشىچە، بۈگۈن خىتاي رەئىسى خۇ جىنتاۋ قازاقىستان پرېزىدېنتى نۇرسۇلتان نەزەربايېف بىلەن بېيجىڭدا كۆرۈشكەن ۋە بۇ ئىككى دۆلەت ئوتتۇرىسىدا دۆلەت چېگرىسىنى مۇقىملاشتۇرۇش كېلىشىمى، ئاتىسۇ-ئالىتاغ تۇرۇبا قاتنىشى كېلىشىمى ئىمزالانغان.

خەۋەردە ئېيتىلىشىچە، نۇر سۇلتان نەزەربايېفنىڭ خىتايدىكى زىيارىتى 23 ‏- دېكابىرغىچە داۋام قىلىپ، ئۇ خىتايدىكى زىيارىتىنىڭ ئاخىرقى كۈنى (پەيشەنبە كۈنى) خوڭكوڭغا بېرىپ، خوڭكوڭ بىلەن قازاقىستان ئوتتۇرىسىدا ئايروپىلان قاتنىشى باشلانغانلىقىنى تەبرىكلەيدىكەن. "بۈگۈنكى قازاقىستان" گېزىتىنىڭ خەۋىرىگە قارىغاندا، پرېزىدېنت نۇرسۇلتان نەزەربايېفنىڭ خىتاي زىيارىتى جەريانىدا، يۇقىرىدا "شىنخۇا ئاگېنتلىقى" بايان قىلغان ئىككى كېلىشىمدىن باشقا يەنە، خىتاي بىلەن قازاقىستان ئوتتۇرىسىدا ئىلمىي ئۇنۋانلارنى ئېتىراپ قىلىش، ئىلمىي تەتقىقات ئالماشتۇرۇش، ئېنېرگىيە مەھسۇلاتلىرى جەھەتتىكى تاموژنا چەكلىمىلىرى، ئارخىپ مەسىلىسى قاتارلىق 10 نەچچە خىل كېلىشىم ئىمزالانغان. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت