Назарбайиф қазақистан - хитай һәмкарлиқи һәққидә тохталди
2006.12.21
Хитайға қаратқан зияритини давамлаштуруватқан қазақситан президенти нурсултан, пәйшәнбә күни хитай хәлқ қурултийи даимий комитетиниң рәиси ву баңго билән көрүшүп, хитай-қазақистан парламентлири оттурисидики һәмкарлиқини техиму күчәйтишкә чақирди.
Хитай хәлқ қурултийиниң қазақистан парламенти билән һәр тәрәплимә һәмкарлиқини күчәйтидиғанлиқини тәкитлигән хитай хәлқ қурултийи даимий комитетиниң рәиси ву баңго, икки тәрәпниң б д т , шаңхәй һәмкарлиқ тәшкилати паалийәтлири даириси ичидә бир-бири билән йеқиндин һәмкарлишиватқанлиқини әскәртти. Ву баңго шундақла тәйвән мәсилиси, тибәт мәсилиси һәмдә шәрқий түркистан күчлиригә қарши турушта қазақистанниң хитайға қиливатқан ярдимигә рәһмәт ейтти.
Президент наазарбайиф бәргән баянатида, бу қетимқи хитай зиярити җәрянида, хитай билән қазақистан мунасивәтлирини техиму тәрәққи қилдуруш үчүн кәң даирилик келишимләрниң имзаланғанлиқини билдүрүп, 20- декабир күни 21 - әсирдә хитай-қазақистан истратегийилик һәмкарлиқ " келишимини икки дөләт мунасивәтлириниң йөлүнишини бәлгиләйдиған муһим бир һөҗҗәт дәп көрсәтти.
Чаршәнбә күни, қазақистан вә хитай оттурисида имзланған келишимләрдә икки дөләт оттурисида нефит вә тәбий газ саһәсидики һәмкарлиқни күчәйтиш, икки дөләт оттурисидики тиҗарәт һәҗмини 2010- йилида 10 милярд долларға вә 1215- йилида 15 милярд долларға йәткүзүш, террорчилиқ, бөлгүнчилик вә диний радикал күчләргә қарши икки дөләт оттурисида мәвҗут һәмкарлиқини техиму күчәйтиш қатарлиқ мәсилиләр тәкитләнгән.
Президент нур султан назарбайиф бәш күн давамлишидиған бу қетимқи хитай сәпири җәрянида, хоңкоң вә макав қатарлиқ районларниму зиярәт қилиду. (Қанат)
Мунасивәтлик мақалилар
- Қазақистан президенти нурсултан назарбайев хитай зияритини башлиди
- Ху җинтав 20 - декабир күни нурсултан нәзәрбайеф билән көрүшкән
- Нурсултан назарбайиф хитай билән енергийә вә сиясий һәмкарлиқни күчәйтишни тәшәббүс қилди
- Зең чиңхуң билән нәзәрбайев хитай - қазақ мунасвәтлири бойичә сөһбәт өткүзди
- Хитай- қазақистан һәмкарлиқ комитети йиғини астанидә ечилди