Русийә баш министириниң хитайдики зиярити ахирлашти


2005.11.04
Share on WhatsApp
Share on WhatsApp

Хитай мәтбуатлири тәрипидин хитай - русийә мунасивитиниң әң юқириқи басқучи, дәп қаралған русийә баш министири михаил фрәдковниң хитайда елип барған зиярити, җүмә күни хитай - русийә оттурисида сибирийә - дачиң нефит туруба пилани бойичә келишим һасил қилалмиған әһвал астида ахирлашти. Әмма икки дөләт рәһбәрлири русийидин хитайға пойиз арқилиқ нефит експорт қилишни келәр йилдин башлап бир һәссә көпәйтип, аз дегәндә 105 милйон варилға йәткүзүшни қарар қилған.

Русийә - хитай баш министирлириниң қошма ахбаратида икки тәрәп сода һәҗимини көпәйтиш, ядро енергийә, тәбиий газ вә аләм бошлуқи һәмкарлиқини күчәйтишкә қошулди. Шинхуа ахбарат агентлиқиниң хәвәр қилишичә, вен җябав хитай - русийә мунасвитини "тарихниң әң яхши дәвргә кирди," дәп тәриплигән.

Хитай һөкүмитиниң сибирийә билән дачиң арисиға нефит турубиси ятқузуш һәвиси интайин күчлүк болуп, бу мәсилә узундин бери хитай - русийә башлиқлар сөһбитиниң темисини игиләп кәлмәктә. Әмма бу қетим икки тәрәпниң бу мәсилидә келишим һасил қилғанлиқиға даир һечқандақ бишарәт йоқ.

Русийә 10 милярд доллар мәбләғ селинидиған бу пиланни екелогийилик сәвәбләр түпәйлидин кечиктүргәнликини җакарлиған. Әмма икки тәрәп җүмә күни қошма ахбаратида " айни тәкшүрүш вә аләм бошлуқи кәшпиятида һәмкарлишиш" кә қошулди.

Хитай русийә һәрбий санаитиниң әң чоң херидари. Бирләшмә ахбарат агентлиқиниң тәкитлишичә, йеқинда хитайлар арқа - арқидин аләм бошлуқиға чиқарған адәмлик аләм кемиси русийә техникисини асас қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.