Rusiye bash ministirining xitaydiki ziyariti axirlashti

Xitay metbu'atliri teripidin xitay - rusiye munasiwitining eng yuqiriqi basquchi, dep qaralghan rusiye bash ministiri mixa'il fredkowning xitayda élip barghan ziyariti, jüme küni xitay - rusiye otturisida sibiriye - daching néfit turuba pilani boyiche kélishim hasil qilalmighan ehwal astida axirlashti. Emma ikki dölet rehberliri rusiyidin xitaygha poyiz arqiliq néfit éksport qilishni kéler yildin bashlap bir hesse köpeytip, az dégende 105 milyon warilgha yetküzüshni qarar qilghan.

Rusiye - xitay bash ministirlirining qoshma axbaratida ikki terep soda hejimini köpeytish, yadro énérgiye, tebi'iy gaz we alem boshluqi hemkarliqini kücheytishke qoshuldi. Shinxu'a axbarat agéntliqining xewer qilishiche, wén jyabaw xitay - rusiye munaswitini "tarixning eng yaxshi dewrge kirdi," dep teripligen.

Xitay hökümitining sibiriye bilen daching arisigha néfit turubisi yatquzush hewisi intayin küchlük bolup, bu mesile uzundin béri xitay - rusiye bashliqlar söhbitining témisini igilep kelmekte. Emma bu qétim ikki terepning bu mesilide kélishim hasil qilghanliqigha da'ir héchqandaq bisharet yoq.

Rusiye 10 milyard dollar meblegh sélinidighan bu pilanni ékélogiyilik sewebler tüpeylidin kéchiktürgenlikini jakarlighan. Emma ikki terep jüme küni qoshma axbaratida " ayni tekshürüsh we alem boshluqi keshpiyatida hemkarlishish" ke qoshuldi.

Xitay rusiye herbiy sana'itining eng chong xéridari. Birleshme axbarat agéntliqining tekitlishiche, yéqinda xitaylar arqa - arqidin alem boshluqigha chiqarghan ademlik alem kémisi rusiye téxnikisini asas qilghan. (Erkin)